Mınıstrliktiń orman órtine daıyndyq deńgeıi ortasha - Zúlfııa Súleımenova

ASTANA. QazAqparat – Úkimet otyrysynan keıin Ekologııa jáne tabıǵı resýrstar mınıstri Zúlfııa Súleımenova vedomstvonyń orman órtine daıyndyq deńgeıi jaıly aıtty, dep habarlaıdy QazAqparat tilshisi.

«Bizdiń mınıstrliktiń mundaı órtterge daıyndyq deńgeıi ortasha. Ol birinshi kezekte materıaldyq-tehnıkalyq jaraqtandyrýdyń tómedigimen baılanysty. Degenmen bizdiń ormanshylardyń qatysýynsyz órtti sóndirý qıyndaı túsetin edi. Siz orman órtin sóndiretin bolsańyz, aýmaqty jaqsy bilýińiz kerek. Bul rette bizdiń ormanshylar úlken ról atqardy», - dep jaýap berdi mınıstr BAQ ókilderiniń saýalyna oraı.

Eske sala keteıik, 8 maýsymda Semeı tabıǵı rezervatynda órt shyqty.

Ottyń taralýy toqtady, alaıda tolyǵymen óshirý jumystary jalǵasyp otyr.

Tilsiz jaý saldarynan 14 ormanshy qaza boldy.