Mınıstrliktiń onlaın oqý platformalary týraly ádistemelik usynystarynyń kúshi joıyldy

ASTANA. QazAqparat – Básekelestikti qorǵaý jáne damytý agenttigi Oqý-aǵartý mınıstrligine qatysty tergep-tekserý júrgizdi. Qorytyndysynda monopolııaǵa qarsy zań buzýshylyqtardy joıý týraly nusqama shyǵaryldy, dep habarlaıdy QazAqparat Agenttiktiń resmı saıtyna silteme jasap.

Atap aıtqanda, mınıstrlik bilim berý uıymdarynda qashyqtyqtan oqytýdy uıymdastyrý boıynsha ádistemelik usynymdardy bekitip, oǵan sáıkes sabaqtardy «BilimLand», «Kundelik.kz», «Daryn.online» ınternet-platformasy arqyly ótkizýdi usynǵan.

Osylaısha, aqparattyq platformalarǵa qol jetkizý boıynsha joǵaryda atalǵan kompanııalarǵa negizsiz artyq múmkinshilikter berilip, osy qyzmetti kórsetetin ózge kompanııalardyń básekelestik jaǵdaıyn shektegen.

Mundaı aktilerdi qabyldaýǵa Kásipkerlik kodeksiniń 194-babyna sáıkes tyıym salynady.

Qazirgi ýaqytta BQDA nusqamasyn oryndap, mınıstrlik ádistemelik usynymdardyń kúshin joıdy.