Mınıstrlikterdiń 5 myń shtattyq birligi aýyl ákimdikteri apparatyn qurýǵa beriledi

Bul týraly búgin Astanada BAQ ókilderine QR Prezıdenti Ákimshiligi basshysynyń orynbasary Ǵabıdolla Ábdirahymov málim etti.

Qazaqstanda ózin-ózi basqarý salasynda óte mańyzdy qadamdar júzege asyrylatyndyǵyn atap ótken ol: «Ortalyq organdardyń birqatar ókiletteri jergilikti organdarǵa beriledi. ıAǵnı, 5 myńǵa jýyq shtattyq birlik mınıstrlikterden alynyp, aýyl apparattaryn qurý úshin beriletin bolady», - dedi.

Ǵ.Ábdirahymovtyń atap ótýinshe, qazirgi ýaqytta da aýyldyq jerlerde ákimder jumys isteýde. Degenmen, olardyń jetkilikti apparaty joq. Sondyqtan da aýyl ákimdikteri apparaty keńeıtilmek.

«Sonymen qatar olarǵa biraz jaýapkershilikter de júkteledi», - dedi ol.