Mınıstrlikterdi, komıtetter men agenttikterdi qysqartqanymyzben sheneýnikter qysqarmaıdy - N.Nazarbaev

ASTANA. QazAqparat - Mınıstrlikterdi, komıtetter men agenttikterdi qysqartqanymyzben sheneýnikter qysqarmaıdy. Bul týraly búgin Aqordada ótken QR Úkimetiniń keńeıtilgen otyrysynda Elbasy Nursultan Nazarbaev aıtty.

«Biz mınıstrlikterdi qysqarttyq, komıtetterdi qysqarttyq, agenttikterdi qysqarttyq, sheneýnikter qysqarmaıdy. Qyzyq, ıá? Sýǵa batpaıtyn keme sııaqty. Bizde qalaı? «Samuryq-Qazyna» qysqartady, qysqartady, qurtyp jatyrmyz deıdi. Eshkim eshqaıda ketpeıdi. Bári otyr, mine qalaı jumys isteımiz», - dedi Elbasy.

QR Prezıdenti 1 bólimde 7 adam bolsa, barlyq jumysty sonyń 2-eýi ǵana atqaratyndyǵyn atap ótti.

«Barlyǵy baryp solardyń moınyna arta beredi. Basqasy jaı otyrady. Nelikten muny tártipke keltire almaısyzdar? Solaı emes pe, Berdibek?», - dedi Memleket basshysy QR Premer-Mınıstriniń orynbasary B.Saparbaevqa qarata.

Óz kezeginde ol bul baǵyttaǵy jumystar qolǵa alynǵanyn atap ótti.