Mınıstrlikter úıi mańynan tabylǵan sómke astanalyqtardy ábigerge saldy
ASTANA. QazAqparat - Elordada Qonaev pen Máńgilik el kósheleriniń qıylysy ıesiz áıel sómkesiniń tabylýyna baılanysty polıtsııa qyzmetkerlerimen qorshaýǵa alyndy, dep habarlaıdy QazAqparat Astana qalalyq ІІD baspasóz qyzmetine silteme jasap.
«Saǵat 13-50-de Qonaev pen Máńgilik el kósheleriniń qıylysyna taıaý jerdegi kólik turaǵynan ıesiz áıel sómkesi tabylǵandyǵy týraly aqparat tústi. Osydan keıin oqıǵa ornyna polıtsııa qyzmetkerleri shuǵyl attandy. Tekserý barysynda kúdikti zat tabylmady. Eski áıel sómkesiniń ishinde de qaǵaz qoqys qana bolǵan», - dedi departamenttiń baspasóz hatshysy Sofıa Qylyshbekova.
Onyń sózine qaraǵanda, saǵat 14,24-te kóshe qıylysyndaǵy jaıaý júrginshilerge engizilgen shekteý alynǵan.
