Mınıstrlikter úıi aldynda jarylǵysh zatty izdedi
ASTANA. QazAqparat - Elordanyń tártip saqshylary 51 baǵyttaǵy avtobýstardy toqtatyp, tekserip jatyr. Jańa ǵana birneshe patrýl Orynbor kóshesi boıymen ornalasqan Mınıstrlikter úıiniń aldynda atalǵan baǵyttaǵy avtobýstardyń bireýin toqtatty. Іle-shala saperler kelip, avtobýsty tolyǵymen tekserip shyqty, dep xabarlaıdy QazAqparat.
Avtobýs júrgizýshisiniń aıtýynsha, ol erejeni buzǵan joq. Alaıda Mınıstrlikter úıi aldymen ótip bara jatqanda jol-patrýldik polıtsııa kóligi artynan ilesip, toqtaýǵa belgi berdi. «Tártip saqshylary birden salonda otyrǵan jolaýshylardy tekserýge kiristi. Іshinen saqaly bar birneshe adamdy ustap, qujattaryn tekserip jatqanyn baıqap qaldyq. Osydan keıin arnaıy qurylǵylary bar saperlar avtobýsty syrtynan da, ishinen de tolyǵymen tekserip shyqty. Eshteńe tappaǵannan keıin ary qaraı júrýge ruqsat berdi», - deıdi ol.
Avtobýsty tekserý kezinde tártip saqshylary adamdarǵa yǵystyryp, alys turýdy talap etken. Osy jerge kelgen basshylar da oqıǵanyń mán-jaıyn túsindirgen joq. «Bizge aqparat tústi. Sony tekserip jatyrmyz»,- dep qysqa ǵana jaýap berdi.
Astana qalalyq ishki ister departamentiniń baspasóz qyzmeti atalǵan aqparatty rastady. Qazirgi kezde quqyq qorǵaý organdaryna túsken málimetti tekserý jumystary júrgizilip jatyr. Baspasóz qyzmeti osy máselege qatysty resmı túsinikteme bermek. 
