Mınıstrlikter men ulttyq park ókilderi «Býrabaı» MUTP-nyń ormandardy órtten saqtaý tájirıbesimen tanysty
Saıttaǵy derekterge qaraǵanda, is-sharaǵa QR Prezıdentiniń Іs basqarmasy, ekologııa jáne tabıǵı resýrstar mınıstrligi, tsıfrlyq damý, ınnovatsııalar jáne aeroǵarysh ónerkásibi mınıstrligi, «Qazaqstan Ǵarysh Sapary»UK«AQ, Aqmola oblysy TJ departamenti, Býrabaı aýdany ákimdigi, elimizdiń birqatar ulttyq tabıǵı parkteri men rezervat ókilderi qatysty.
Olar Barmashyn ormanshylyǵynyń jumysymen tanysty. Atap aıtqanda, ormannyń óndiristik bazasy jáne orman órt stantsııasy men antenna-dińgek munaralarynyń biriniń jumysy kórsetildi. Onda beınebaqylaý kamerasy ornalasqan. Ol kamera órtti erte kezeńde anyqtap, onyń aldyn-alýǵa múmkindik beredi. Sondaı-aq, bul sharaǵa qatysýshylar memlekettik ulttyq tabıǵı parkiniń jedel basqarý ortalyǵyna bardy. Onda»SMART National Park Burabay«júıesiniń jumysy keńinen tanystyryldy.
Bul SMART júıeniń artyqshylyǵy kóp. Naqtyraq aıtsaq, dıspetcherler 24/7 rejıminde ulttyq parktiń búkil aýmaǵyn qashyqtan esh qıyndyqsyz baqylaı alady. Kameralardy basqara alady. Kórý núktesin 360 gradýsqa deıin ózgertip, keskindi jaqyndatýǵa nemese alystatýǵa da múmkindigi bar. Júıe jasandy ıntellekt negizinde jumys isteıdi, onda túngi ýaqytta da kórý fýnktsııasy bar qýatty optıka jáne jylý ólsheýishteri bar. Óz kezeginde bul fýnktsııalar órtti erte anyqtaýǵa jáne tilsiz jaýdy tez arada oqshaýlap sóndirýge qatysty jedel áreket etý sharalaryn qabyldaýǵa múmkindik beredi.
Anyqtama:
»Býrabaı«MUTP-da órtti erte anyqtaýdyń»aqyldy«elektrondyq júıesin engizý 2020 jyly bastaldy. Osy ýaqyt ishinde ol óziniń tıimdiligin dáleldedi. Aıtalyq, 2020 jyly ulttyq parktiń 84 gektar orman alqaby tabıǵı órtten zardap shekken bolsa, kelesi jyly – smart-júıeniń arqasynda órtten zardap shekken aýmaqtardyń aýdany 4 esege qysqaryp, 20,5 ga qurady, al 2022 jyly bar bolǵany 1,3 ga zardap shekti.
»Býrabaı«memlekettik ulttyq tabıǵı parkinde ótken kóshpeli keńeske qatysýshylar orman sharýashylyǵyna qatysty bar ózekti máselelerdi jiti talqylady. Sondaı-aq, taraptar Qazaqstannyń ormandaryn órtten saqtaý jónindegi jumystaǵy tásilderdi jetildirý boıynsha ozyq tájirıbelerimen bólisti.
