Mınıstrlikter men ákimdikterdiń saıty shtattyq rejımde jumys istep tur

NUR-SULTAN. QazAqparat – Mınıstrlikter men ákimdikterdiń saıty shtattyq rejımde jumys istep tur. Bul týraly «Ulttyq aqparattyq tehnologııalar» AQ-ynan málim etti, dep habarlaıdy QazAqparat tilshisi.

«Memlekettik organdardyń ınternet resýrstary biryńǵaı platformasy qalpyna keltirildi. Saıttar shtattyq rejımde jumys istep tur», - dedi delingen «Ulttyq aqparattyq tehnologııalar» AQ baspasóz qyzmetinen.

Buǵan deıin memlekettik organdardyń ınternet resýrstary biryńǵaı platformasy jobasynyń istemeı turǵanyn habarlaǵan edik.

Aıta keteıik, 2020 jyldyń 24 maýsymynda 17 mınıstrlik, 48 komıtet jáne 10 jergilikti atqarýshy organ ınternet-resýrstardyń biryńǵaı platformasyna (MO IRBP) kóshken bolatyn. Osylaısha, MO IRBP memlekettik organdardyń barlyq saıttaryn biriktirip, aqparat alý men ózara is-qımyl jasaýdyń biryńǵaı terezesine aınaldy.