Mınıstrlikte mindetti áleýmettik medıtsınalyq saqtandyrý zańnamasynyń jańashyldyqtary túsindirildi
Bul týraly búgin 29 qazanda QR Parlamenti qabyldaǵan «Mindetti áleýmettik medıtsınalyq saqtandyrý týraly» QR Zańynyń normalaryn túsindirýge arnalǵan baspasóz máslıhatynda QR Densaýlyq saqtaý jáne áleýmettik damý vıtse-mınıstri Alekseı Tsoı habarlady.
Zańǵa sáıkes, azamattarǵa medıtsınalyq qyzmettiń 2 túrli paketi usynylady. Birinshisi - respýblıkalyq bıýdjetten qarjylandyrylatyn medıtsınalyq kómektiń memleket kepildendirgen kólemin usynatyn bazalyq paket.
«Ol Qazaqstannyń barsha azamattary úshin qoljetimdi bolmaq. Pakettiń quramyna jedel járdem qyzmeti, sanıtarlyq avıatsııa, áleýmettik mańyzdy aýrýlarǵa, sondaı-aq tótenshe jaǵdaılarda, profılaktıkalyq ekpe kezinde kórsetiletin medıtsınalyq kómek kiredi. 2020 jylǵa deıin ózin-ózi tıimsiz jumyspen qamtylǵan turǵyndarǵa respýblıkalyq bıýdjettiń esebinen ambýlatorlyq-dárilik qamtamasyz etiletin ambýlatorlyq-emhanalyq kómek kórsetý qarastyrylǵan»,-dedi mınıstrdiń orynbasary.
Ekinshisi - jańadan qurylatyn medıtsınalyq saqtandyrý Qory usynatyn saqtandyrý paketi. Oǵan ambýlatorlyq-emhanalyq kómek, statsıonarlyq kómek (áleýmettik mańyzdy aýrý túrlerin eseptemegende), statsıonarlyq kómekti almastyratyn kómek (áleýmettik mańyzdy aýrý túrlerin eseptemegende), qalpyna keltirý emdik sharalary, medıtsınalyq reabılıtatsııa, pallıatıvtik kómek jáne meıirbıkelik qaraý men joǵarǵy tehnologııalyq kómek kiredi.
«Atalmysh paketti alý quqyǵy áleýmettik medıtsınalyq saqtandyrý júıesine qatysýshy QR azamattaryna, QR aýmaǵynda turaqty ómir súretin sheteldikter men azamattyǵy joq tulǵalarǵa beriledi. Sonymen qatar, ekonomıkalyq belsendiligi tómen halyq úshin tólemaqy memleket esebinen júrgiziletin bolmaq. Jumys berýshiler - jaldamaly jumysshylar úshin, qyzmetkerler men salyq organdarynda tirkelgen ózin-ózi qamtyǵan azamattar ózderi úshin tóleıtin bolady»,-dedi A. Tsoı.
Onyń sózine qaraǵanda, joǵaryda atalǵan paketterge qosymsha, erikti saqtandyrýǵa qatysqan azamattar medıtsınalyq qyzmetterdi jeke saqtandyrý kompanııalarymen jasaǵan kelisimshart negizinde alatyn bolady.
Mindetti aı saıynǵy jarnalar men QR DSÁDM Medıtsınalyq qyzmetterdi tóleý komıtetiniń bazasynda medıtsınalyq qyzmetterdi satyp alýdy toptastyrý úshin kommertsııalyq emes aktsıonerlik qoǵamnyń uıymdastyrýshylyq-quqyqtyq formasynda Áleýmettik medıtsınalyq saqtandyrý qory (Qor) qurylatyn bolady. Qordyń quryltaıy ári jalǵyz aktsıoneri QR Úkimeti bolmaq.
Vıtse-mınıstr erekshe sanattaǵy azamattar (halyqtyń áleýmettik turǵydan osal az qamtylǵan toby) úshin memleket tarapynan óteletin tólemaqynyń mólsherlemesi ortasha aılyq eńbekaqynyń 7% quraıtynyn habarlady. Sonymen qatar mólsherlemeniń kólemi 2017 jyly 4%, 2018 jyldan bastap 5%-ǵa, 2023 jyldan 6%-ǵa, 2024 jyldan 7%-ǵa satylaı túrde ósetin bolady.
Jumys berýshiler jarnasy mólsherlemesiniń jalpy kólemi kiristiń 5%-yn quraıtyn bolady. Aýdarym 2017 jyly 2%-dy, 2018 jyly 3%-dy, 2019 jyly 4%-dy, 2020 jyly 5%-dy quraıtyn bolady. Atalǵan aýdarymdar korporatıvtik tabys salyǵyn esepteý kezinde shegeriletin bolady.
Qyzmetkerler jarnasynyń mólsherlemesi kiristiń 2%-yn quraıtyn bolady, aýdarym 2019 jyly 1%, 2020 jyldan bastap 2% bolady. Bul jarnalar somasy jeke tabys salyǵyn esepteý kezinde shegeriletin bolady.
Ózin-ózi jumyspen qamtyǵan azamattar jarnasynyń mólsherlemesi (jeke kásipkerler, jeke notarıýstar, jeke sot oryndaýshylary, advokattar, kásibı medıatorlar, azamattyq-quqyqtyq negizdegi kelisim boıynsha kiris tabatyn jeke tulǵalar) olardyń kirisiniń 7% quraıtyn bolady. Ol 2017 jyly 2%, 2018 jyly 3%, 2019 jyly 5%, 2020 jyldan bastap 7% bolady.
«Atalǵan jarnalar jumys berýshiler úshin korporatıvti tabys salyǵyn esepteý kezindegi, qyzmetkerler men ózin-ózi jumyspen qamtyǵan azamattar úshin jeke tabys salyǵyn esepteý ýaqytyndaǵy shegerimge jatqyzylatynyn atap ótkim keledi. ıAǵnı, 2017 jyly jumys berýshilerge túsetin is júzindegi salmaq 1,6%, 2018 jyly - 2,4%, 2019 jyly - 3,2%, 2020 jyly - 4% quraıtyn bolady», - dep túsindirdi Alekseı Tsoı.
Sóz sońynda vıtse-mınıstr áleýmettik medıtsınalyq saqtandyrý Qory jarnasyn tóleýden azamattardyń 15 sanaty (halyqtyń áleýmettik az qamtylǵan toby) bosatylatynyn atap ótti. Olardyń ishinde balalar; «Altyn alqa», «Kúmis alqa» ıegerleri, buryn «Batyr Ana» ataǵyn alǵandar, sonymen qatar I jáne II dárejeli «Analyq dańq» ordenimen marapattalǵan kóp balaly analar; UOS ardagerleri men múgedekteri; múgedekter jáne basqa sanattar qamtylǵan.