Mınıstrlikke jas mamandardy jumysqa alamyz - Saparhan Omarov

NUR-SULTAN. QazAqparat - Aýyl sharýashylyǵy mınıstri Saparhan Omarov mınıstrlikke jumys ornalasý tártibin túsindirdi, dep habarlaıdy QazAqparat tilshisi.

Halyqqa esep berý jıynynda mınıstrge Qazaq agrotehnıkalyq ýnıversıtetiniń veterınarııa ǵylymdarynyń magıstri «Mınıstrlikke jumysqa ornalasý úshin ne isteý kerek?» degen suraq qoıdy.

«Aýyl sharýashylyǵy mınıstrligine jumysqa ornalasý jalpyǵa ortaq tártipte konkýrs arqyly júrgiziledi. Mınıstrliktegi barlyq vakansııalar jarııalanady. Oǵan kez kelgen tilek bildirýshi ótinim bere alady. Búginde AShM-nyń 90-ǵa jýyq qyzmetkeri - jastar. Ujymymyz jasaryp keledi. Mınıstrlikte uzaq jyl qyzmet etken tájirıbeli mamandarymyz oblystyq bólimshelerge aýysady. Sol kezde bosaǵan oryndarǵa jas mamandardy alamyz», - dep jaýap berdi S. Omarov.

Aıta keteıik, astanada QR Aýyl sharýashylyǵy mınıstri Saparhan Omarov 2018 jyldyń qorytyndylary men aldaǵy josparlar jóninde halyqqa esep berdi.