Mınıstrlik JOO-larda psıhologterdi daıarlaý baǵdarlamasyna ózgeris engizýdi usyndy

ASTANA. QazAqparat – Búginde mektepterdegi psıhologııalyq qyzmettiń álsizdigi aıqyn baıqalyp otyr. Ortalyq kommýnıkatsııalar qyzmetindegi brıfıngide Oqý-aǵartý vıtse-mınıstri Edil Ospan osylaı málim etip, másele kóterdi, dep habarlaıdy QazAqparat tilshisi.

«Búginde mektepterdegi psıhologııalyq qyzmettiń álsizdigi aıqyn baıqalyp otyr. Olardyń (mamandardyń – avtor) sany jetkiliksiz. Budan bólek, jyl saıyn balalardyń quqyq buzýshylyq jaǵadaıynyń túr-sıpaty ózgerýde. Bir quqyq buzýshylyq jaǵdaı ekinshi oqıǵaǵa uqsamaıdy. Jańa býllıngtiń, qatygezdiktiń túrleri paıda bolyp jatyr. Bul ınternettiń ashyqtyǵymen baılanysty. Mamandardyń biliktiligin arttyrý kún tártibinde tur. Osyǵan baılanysty bilim berý júıesinde psıhologııalyq qyzmettiń jańa modelin qabyldaý máselesi ózekti. Qazir mınıstrlik osy baǵytta jumys jasaýda. Onyń ishinde joǵary oqý oryndarynda psıholog mamandardy daıarlaý baǵdardamasyna da tıisti ózgerister kerek», - dedi Edil Ospan.

Onyń paıymynsha, balalar úshin qaýipsiz ınternet keńistigin qurý mańyzdy. Bul oraıda ata-analar óz perzentteriniń ǵalamtordaǵy is-áreketine baqylaýdy kúsheıtý kerek. Ol úshin vıtse-mınıstr jaǵymsyz aqparattarǵa shekteý qoıatyn mobıldi qosymshalardyy qoldanýdy usyndy.

Sondaı-aq, Edil Ospan qazir túrli máselesi bar 6 myń bala mektepishilik esepke alynǵanyn aıtty.

Buǵan qosa, ótken jyly bala aldyndaǵy ata-ana mindetin oryndamaǵan 7 myńnan asa adam jaýapqa tartylǵanyn málim etti.