Mınıstrlik jas ǵalymdarǵa arnalǵan yntalandyrý sharalaryn atady
«Memleket basshysynyń Joldaýyn oryndaý maqsatynda jas zertteýshilerdi qoldaý men ǵylymdy damytý boıynsha tıisti mindetter júkteldi. Sondyqtan da 35 jasqa deıingi jas ǵalymdarǵa granttyq qarjylandyrýdy bólý úshin 2019-2021 jyldarǵa konkýrs jarııalaý josparlanyp otyr», - toqtaldy vıtse-mınıstr.
Belgili bolǵandaı, Joǵary ǵylymı-tehnıkalyq komıssııa atalǵan baǵdarlamany qarjylandyrý turǵysynda ár jylǵa 1,5 mlrd teńgeni maquldady.
Onyń atap ótýinshe, 2017 jyly 1 101 ǵylymı jobany júzege asyrý barysyna monıtorıng júrgizildi.
«Ótken jyly aıaqtalǵan baǵdarlamalar aıasynda eleýli nátıjelerge qol jetkizildi. Elimizde ǵylymı zertteýler men jobalardy ázirleý jumystarymen 386 uıym aınalysty. Osy oraıda 22 myńnan astam adam jumyldyryldy. 2017 jyly jas ǵalymdar zertteýshi-mamandar kontıngentiniń 35 paıyzyn qurady. Qazirgi kezde jastardyń ǵylymǵa kelýin yntalandyrý boıynsha tıisti jumystardy atqarýdamyz. Jyl saıyn PhD doktorlaryn daıarlaýǵa memlekettik bilim tapsyry artyp keledi», - dedi Ashat Aımaǵambetov.
Budan buryn habarlanǵandaı, Qazaqstanda otandyq ǵalymdardyń jobalaryna jeke sektordyń ınvestıtsııasy úsh esege artty.