Mınıstrlik Jambyl oblysynda karantınnen bas tartqan áıelge qatysty jaǵdaıdy túsindirdi
Atalmysh oqıǵanyń jaı-japsaryn Densaýlyq saqtaý mınıstrligi óziniń Facebook -paraqshasynda jazdy.
«Áleýmettik jeliler men messendjerlerde karantında bolýdan bas tartyp otyrǵan Jambyl oblysynda turatyn áıel týraly aqparat paıda boldy. Bul týraly málimet Jambyl oblystyq Densaýlyq saqtaý basqarmasyna bıylǵy jyldyń 8 naýryzynda kelip túsken. T. esimdi azamatshamen eki saǵattyń ishinde baılanys ornatylyp, QR zańnamasyna sáıkes karantın rejımin saqtaý qajettiligi týraly túsindirý jumystary júrgizildi. 8 naýryzda medıtsınalyq qyzmetkerler áıeldi 14 kúndik karantınge japty. Búginde onyń jaǵdaıy qanaǵattanarlyq, dene qyzýy qalypty, aýrýdyń klınıkalyq belgileri baıqalmady»,-delingen habarlamada.
Atap óteıik, eki aptaǵa sozylatyn karantın kezinde karantın ornynan ketýge bolmaıdy. Tulǵanyń rejımdi buzý jaǵdaıynda onyń ákimshilik jaýapqa tartylýy qarastyrylǵan.