Mınıstrlik UBT kezinde óreskel áreketke jol bermeý úshin pýnkt dırektorlarynyń jaýapkershiligin kúsheıtti
ASTANA. 4 shilde. QazAqparat - QR Bilim jáne ǵylym mınıstrligi Bilim jáne ǵylym salasyndaǵy baqylaý komıteti 2012 jylǵy 2 shildedegi «Megapolıs» gazetinde jarııalanǵan «Vsıaký loj k sebe prıloj» maqalasyna qatysty málimdeme jasady. Bul jaıynda atalǵan vedomstvonyń resmı saıtynda jarııalanǵan.
«Qazaqstan Respýblıkasy Bilim jáne ǵylym mınıstrligi 1 maýsymda S. Seıfýllın atyndaǵy Qazaq agrotehnıkalyq ýnıversıteti bazasynda ótken UBT kezinde mektep bitirýshi túlekterdi testke kirgizý barysynda kórsetilgen óreskel dórekilikke qatysty óz ustanymyn habarlaǵan bolatyn. Tipti, atalǵan biregeı jaǵdaıǵa jol berilgendigi ókinishti ekeni málim. Aǵymdaǵy jyldyń 7 maýsymynda Bilim jáne ǵylym mınıstrligine № 7,15,21,25,40,60,61 jáne ekonomıkalyq lıtseıdi bitirgen túlekter atynan 38 ata-anadan Astana qalasy Saryarqa aýdandyq ishki ister bólimshesiniń qyzmetkerlerine (aty-jónderi kórsetilgen) qatysty ujymdyq aryz kelip túsken. Іshki ister qyzmetkerleriniń osy iske qanshalyqty jaýapty ekendigin anyqtaý Bilim jáne ǵylym mınıstrliginiń quziretine jatpaıtyndyqtan, atalǵan fakti jáne olardyń jaýapkershiligi týraly hat Іshki ister mınıstrligine joldanǵan bolatyn. Bul suraq QR BǴM quziretine múldem jatpaıdy», -delingen onda.
Jalpy alǵanda, UBT-ny qatań túrde ótkizý jaýapkershiligi - bilim berý uıymdaryna júktelgen. Sondyqtan, Bilim jáne ǵylym mınıstrligi óz tarapynan osy jaıtqa qatysty qyzmettik tekseris júrgizdi. Atalǵan jaıtty boldyrmaý úshin bilim júıesine jaýapty qyzmettik tulǵalar qatań jazalandy, keıbireýleri jumystan da bosatyldy.
«Bilim jáne ǵylym mınıstrligi keleshekte UBT kezinde mundaı áreketke jol bermeý úshin ulttyq biryńǵaı test tapsyrý pýnkt dırektorlarynyń jaýapkershiligin kúsheıtti», - delingen vedomstvonyń resmı saıtynda.
