Mınıstrlik tikushaq apatyna qatysty alǵashqy málimettiń nege jalǵan bolǵanyn túsindirdi

ASTANA. QazAqparat - Tótenshe jaǵdaılar mınıstrliginiń resmı ókili Rýslan Imanqulov vedomstvoda ótken brıfıngide Batys Qazaqstandaǵy tikushaq apatynan zardap shekkender týraly alǵashqy málimettiń nege jalǵan bolǵanyn túsindirdi, dep habarlaıdy QazAqparat tilshisi.

Brıfıng barysynda BAQ ókilderi áýeli tikushaq apatynan zardap shekkender joq ekeni týraly málimet qalaı tarap ketkenin surady.

«Ol aqparat ótirik bolǵan joq. Aldyn ala aqparat degen bar. Áýeli dıspetcherler bizdiń tiri qalǵan qyzmetkermen baılanysa almaǵan bolyp shyqty. Oqıǵa ornynda baılanys óte nashar bolǵan. Internet baılanys jalpy bolmaǵan. Telefon baılanysy da nashar bolǵan. Sondyqtan olar qońyraý shalyp, baılanysa alǵan kezde bizdiń TJM-niń apattan tiri qalǵan qyzmetkeri «tirimin» dedi me, álde «tirimiz» dedi me, anyq estilmeı qalǵan. Sol sátte baılanys qaıta úzilgen. Sondyqtan aldyn ala aqparat boıynsha bári aman degen málimet tarady», - dedi vedomstvonyń resmı ókili.

Sondaı-aq ol qulaǵan tikushaqtyń nege «apatty qondy» dep habarlanǵanyn túsindirdi.

«Aldyn ala aqparat boıynsha, bul apatty qonýǵa májbúr bolǵan. ıAǵnı, josparly qoný emes edi. Іs júzinde bortty basqarý múmkin bolmaı ketken. Qazir bizge málim dúnıe osy ǵana. Qalǵany egjeı-tegjeıi tekserý kezinde belgili bolady», - dedi Rýslan Imanqulov.

Eske salsaq, keshe Batys Qazaqstan oblysynda «Qazavıaqutqarý» AQ-ǵa tıesili tikushaqtyń «apatty jaǵdaıda qonyp», 4 adamnyń mert bolǵany habarlanǵan bolatyn.

Búgin tańerteń TJM Batys Qazaqstandaǵy oqys oqıǵadan qaza tapqandardyń aty-jónin jarııalady.

Vıdeodan alynǵan kadr