Mınıstrlik test arqyly anyqtaý jumysyn barynsha kúsheıtýi tıis - Prezıdent
«Densaýlyq saqtaý mınıstrligi aýrýdy test arqyly anyqtaý jumysyn barynsha kúsheıtýge tıis. Ony halyqaralyq standartqa sáıkes táýligine kem degende 20-25 myńǵa deıin jetkizý qajet. Osyǵan oraı, Úkimetke qysqa merzim ishinde otandyq test-júıesiniń óndirisin qolǵa alýdy tapsyramyn. Biz ımmýnobıologııalyq preparattardy ázirleý úshin qolda bar múmkindikterimizdi tolyq paıdalanýymyz kerek», - dep tapsyrdy Prezıdent.
Osy oraıda Memleket basshysy vaktsına qoljetimdi bolǵan kezde Qazaqstan sheteldiń dári-dármegin kútip otyrmaýy qajet ekenin atap ótti.
«Daǵdarystan keıin de biz medıtsınany damytýǵa basa mán beremiz. Bul salaǵa memleket tarapynan aýqymdy qoldaý kórsetiledi. Úkimet Halyq densaýlyǵy jáne densaýlyq saqtaý júıesi týraly jańa kodeks jobasyna osy salany jetildiretin naqty usynystar engizýge tıis. Parlament bul kodeksti sessııanyń sońyna deıin qabyldaıdy dep oılaımyn», - dedi Qasym-Jomart Toqaev.