Mınıstrlik tehnıkalyq baıqaý ortalyqtary aqaýy bar avtomobılderge jaramdyq kýálikterin berip kelgen faktilerdi anyqtaı bastady

Vedomstvonyń baspasóz qyzmetinen málim etkendeı, Kólik jáne kommýnıkatsııa mınıstrliginiń Kóliktik baqylaý komıteti Almaty qalasynyń tehnıkalyq baıqaý stansylarynda buzýshylyqtarǵa jol berilip kelgendigin anyqtady.

«Kóliktik baqylaý komıteti Almaty qalasyndaǵy keıbir naqtyly tehnıkalyq baıqaý ortalyqtaryna (TBO) shaǵymdardyń  jıilep ketýine baılanysty olardy tekserýden ótkizdi», delingen taratylǵan habarlamada.

Tekseris barysynda «Qazaqstan Respýblıkasynyń Jol qozǵalysy qaýipsizdigi qory»  qoǵamdyq qory men «Saraptama jáne sertıfıkattaý ulttyq ortalyǵy» AQ-nyń tehnıkalyq baıqaý ortalyqtary aqaýy bar avtomobılderge tehnıkalyq baıqaýdan ótti degen kýálikterdi berip kelgendigi anyqtaldy.

Avtokólik quraldaryn dıagnostıkadan ótkizý qorytyndysymen toltyrylǵan dıagnostıkalyq kartalardy teksergende avtomobılder avtokólik quraldarynyń qozǵalys qaýipsizdigi sharttary boıynsha  tehnıkalyq jaı-kúıine qoıylatyn talaptarǵa saı kelmese de, mindetti tehnıkalyq baıqaýdan ótkendigi jóninde kýálikter berý faktiler anyqtaldy.

«Mindetti tehnıkalyq baıqaýdan ótkizý barysynda avtokólik quraldarynyń parametrleri jónindegi maǵlumattar dıagnostıkalyq kartaǵa avtomatty túrde engiziletinin eske salamyz. Bir danasy avtomobıl ıesine beriledi de ekinshi danasy tehnıkalyq baıqaý ortalyǵynda saqtalady. Dıagnostıkalyq kartalardy tekserý arqyly naqty osy TBO-nda tártip buzýshylyq bolǵan-bolmaǵandyǵy jóninde ádil anyqtaý múmkindigi beredi», delingen baspasóz aıǵaǵynda.

Tekseris qorytyndysy boıynsha «Qazaqstan Respýblıkasynyń Jol qozǵalysy qaýipsizdigi qory»  qoǵamdyq qory QR-nyń Ákimshilik quqyq buzýshylyqtar týraly kodeksiniń 473-1 babynyń 1-tarmaǵy boıynsha ákimshilik jaýapkershilikke  tartylyp, oǵan 32 360 teńge aıyppul salyndy.

«Saraptama jáne sertıfıkattaý ulttyq ortalyǵy» AQ-nyń Almaty qalasynda ornalasqan tehnıkalyq baıqaý ortalyǵy óziniń zańdy tulǵa retinde tirkelgen oryny Astana qalasyndaǵy «Saryarqa» Óńiraralyq kóliktik baqylaý ınspektsııasyna QR-nyń Ákimshilik quqyq buzýshylyqtar týraly kodeksiniń 473-1 baby boıynsha ákimshilik sharalar qoldaný úshin joldandy.

Atalǵan TBO-na tártip buzýshylyqty joıý jóninde oryndalýy mindettelgen uıǵarym berildi.

Munyń syrtynda, atalmysh TBO-nyń barlyq basshylary QR-nyń Ákimshilik quqyq buzýshylyqtar týraly kodeksiniń 473-1 statıasynda eskerilgen normalarǵa sáıkes mehanıkalyq kólik quraldary men olardyń tirkemeleri tehnıkalyq jaı-kúıi jaǵynan sáıkes emes parametrler kórsetilgen tehnıkalyq baıqaýdyń dıagnostıkalyq kartasyn qaıtadan bergen jaǵdaıdy TBO-ny tekserý barysynda anyqtaǵan jaǵdaıda ol TBO ıeleri aıyppul tóleıtindigi jáne bundaı ortalyqtar tehnıkalyq baıqaý ortalyqtary tiziliminen shyǵarylyp tastalatyndyǵy eskertildi.

Іsterine selqos qaraıtyn tehnıkalyq baıqaý ortalyqtaryn anyqtaý jumysy búkil elimiz boıynsha júrgizilýde.