Mınıstrlik synyp oqýshylaryn karantınge jiberý algorıtmin túsindirdi
«Mektepter men synyptardy karantınge jiberý qaǵıdasy Bas memlekettik sanıtar dárigeriniń qaýlysymen bekitiledi. Ol ereje barsha el boıynsha biryńǵaı bolady. Synyptarǵa toqtalsaq, árt synyp bir kabınette otyrady. Osy oraıda balalar uzaq ýaqyt boıy bir kabınette otyrǵandyqtan, olarǵa qatysty «jaqyn kontakt» túsinigi beriledi», - dedi A. Esmaǵambetov Ortalyq kommýnıkatsııalar qyzmetinde.
Osy oraıda ol «jaqyn kontakt» neni bildiretinin túsindirdi.
«Jaqyn kontakt – ol synypta baılanysta bolǵan barsha adamdy bildiredi, ıaǵnı bir bala indet juqtyrsa, onda synyptaǵy oqýshylardyń barlyǵy 14 kúnge karantınge ketedi», - dedi ol.
Onyń sózine qaraǵanda, mektepterdi jabýdyń qadamdary da pysyqtalyp jatyr.
«Bizde tumaý boıynsha tıisti tájirıbe bar. Eger mekteptiń 20 paıyzy ony juqtyrsa, onda oqý orny karantınge shyǵady. Qazirgi kezde osy qadamdardy paıdalanýǵa tyrysyp otyrmyz. Synypta koronavırýstyń bir jaǵdaıy tirkelse, onda synyptaǵy barlyq bala karantınde bolady», - dedi ol.
