Mınıstrlik Qoldau.kz arqyly rásimdelgen sýbsýdııalarǵa qatysty málimetterdi teksermek
Bul jaıynda memlekettik kórsetiletin qyzmetterdi damytý jáne agroónerkásip keshenin tsıfrlandyrý departamentiniń dırektory Bernat Alpysbekov málim etti, dep habarlaıdy QazAqparat tilshisi.
Tanystyrylym kezinde mınıstrlik ókili aýyl sharýashylyǵy taýarlaryn óndirýshilerden sýbsıdııa ótinimderin qabyldaýǵa arnalǵan Qoldau.kz platformasynyń ornyna Gosagro.kz. pltaformasy iske qosylǵanyn aıtyp, onyń burynǵy platformadan ereksheligi nede ekenin túsindirdi.
Bernat Alpysbekovtiń aıtýynsha, sýbsıdııa ótiniminde 200 gektar alqapty óńdegeni týraly málimet berip, shyn máninde 22 gektar alqapty óńdegen fermerler kezdesken. Jańa júıede mundaı sáıkessizdikter ǵaryshtan túsirilgen derekter negizinde áshkerelenip, sýbsıdııa naqty istelgen jumys shyǵynyna ǵana tólenetin bolady.
«Egis alqaptarynyń kartasynda óńdelgeni ǵaryshtan túsirilgen derekter arqyly rastalǵan málimettermen sáıkespeıtin 30 fakti bar. Budan ári ár fakt boıynsha zerdeleý kerek – bálkim Qoldau.kz-ke naqty óńdegen alqaptyń kólemin durys kórsetken bolýy da múmkin. Ázirge bireýdi jazǵyrýǵa erte. Qolda bar faktilerdi taldaımyz. Sol taldaýdy quqyq qorǵaý organdaryna beremiz. Sýbsıdııany memleketke qaıtara ma, basqa shara qoldana ma, ony solar anyqtaıdy. Al biz baǵa bere almaımyz. Biraq «Qazastan Ǵarysh sapary» mekemesinen túsken málimetke áreket etý memlekettik organ bolǵandyqtan mindetimiz», - dedi departament dırektory.
