Mınıstrlik ókilderi ózderi tapsyrys bergen taýardy satyp alýǵa májbúr boldy
ASTANA. QazAqparat - Qazaqstan Respýblıkasynyń densaýlyq saqtaý jáne áleýmettik damý mınıstrligi ózi tapsyrys bergen taýardy satyp alýǵa májbúr boldy. Bul týraly Astana qalalyq sotynyń ınternet saıtyndaǵy aqparattardan belgili boldy.
Onda jarııalanǵan málimetterge qaraǵanda, 2015 jyly «ResýrsKommertsSnab» JShS men «Qazaqstan Respýblıkasynyń densaýlyq saqtaý jáne áleýmettik damý mınıstrligi» MM-si arasynda taýardy memlekettik satyp alý týraly shart jasalǵan.
Eki taraptyń ózara jasasqan sharttary boıynsha talapker taýardy jetkizýi qajet bolǵan. Ol óz mindettemelerin talapqa saı oryndaǵan. Alaıda jaýapker taýardy alýdan bas tartyp, shart boıynsha mindettemelerdi buzǵan.
Azamattyq isti qaraǵan Astana qalasynyń mamandandyrylǵan aýdanaralyq ekonomıkalyq soty talap aryzdy tolyq qanaǵattandyryp, «Qazaqstan Respýblıkasynyń densaýlyq saqtaý jáne áleýmettik damý mınıstrligi» MM-sin «ResýrsKommertsSnab» JShS-nen jalpy somasy 18.449.088 teńgeni quraıtyn taýardy qabyldaý boıynsha uıymdastyrý jumystaryn júrgizýge mindettedi.
