Mınıstrlik muǵalimderden shaǵym qabyldaıtyn «Pedagogti qorǵaý» telegram chatyn iske qosady
«Bilim salasynda sapany qamtamasyz etý komıteti kelesi usynystardy daıyndady. Birinshisi. Komıtet bilim berý uıymdaryndaǵy barlyq baqylaý is-sharalary sheńberinde pedagogterden artyq eseptilikti talap etý faktilerin qatań tekseretin bolady. Memlekettik attestatsııa barysynda, profılaktıkalyq baqylaý kezinde, jospardan tys baqylaý barysynda biz osy máselege tereń toqtalamyz. Ekinshi. Qarasha-jeltoqsan aılarynda oblystyq bilim basqarmalary men aýdandyq, qalalyq bilim bólimderi UBDQ-da bar aqparatty mektepterden suratý qyzmetine monıtorıng júrgizedi. Barlyq aýdandyq jáne qalalyq bilim berý bólimderi qamtylady. Qaǵazbastylyqtyń artýy aýdandyq, qalalyq bilim bólimderiniń, olardyń ishindegi ádistemelik kabınetterdiń UBDQ bazasyn durys paıdalanbaý sebebinen dep bilemiz. Sonymen qatar keıjaǵdaılarda mektepterdiń UBDQ-nyń uqyptap, tolyq jáne naqty tolyrmaýynan da olardan qosymsha aqparat suralady», - degen komıtet basshysy pelagogterden shaǵym qabyldaýdyń jańa arnasy iske qosylatynyn málim etti.
«Úshinshi. Ár pedagogtiń quqyǵyn qorǵaý úshin aryzdar men shaǵymdardy qabyldaıtyn qosymsha –«Pedagogti qorǵaý» telegram chaty óz qyzmetin bastaıdy. Ol chatqa kelip túsken ár aqparat, árbir ótinish tikeleı bizdiń komıtet pen aýmaqtyq departamentterdiń baqylaýynda bolady. Árbir ótini boınyshakeri baılanys berip otyramyz. Tórtinshi. Atalǵan másele boıynsha óńirlerdegi jaǵdaıdy obektıvti baǵalaý úshin muǵalimder arasynda anonımdi-elektrondyq saýalnama júrgizemiz», - dedi Ernur Daýenov.
