Mınıstrlik mindetti medıtsınalyq saqtandyrý úshin jarnadan bosatylatyn adamdardyń sanatyn atady
«Áleýmettik medıtsınalyq saqtandyrý Qory jarnasyn tóleýden azamattardyń 15 sanaty bosatylady, onyń ishinde 12-si - halyqtyń áleýmettik turǵydan osal toby, sonymen qatar áskerı qyzmetkerler, arnaıy memlekettik jáne quqyq qorǵaý organdarynyń qyzmetkerleri»,-dedi ol Ortalyq kommýnıkatsııalar qyzmetindegi baspasóz máslıhatynda.
Halyqtyń áleýmettik turǵydan osal tobyna: balalar; «Altyn alqa», «Kúmis alqa» ıegerleri, buryn «Batyr Ana» ataǵyn alǵandar, sondaı-aq I jáne II dárejeli «Analyq dańq» ordenimen marapattalǵan kóp balaly analar; UOS ardagerleri men múgedekteri; múgedekter; jumyssyz retinde tirkelgen azamattar; ınternat mekemelerinde oqytylyp, tárbıelenip jatqandar; tehnıkalyq, kásiptik, orta bilimnen keıingi jáne joǵarǵy bilim berý uıymdarynda kúndizgi bólimderde, sonymen qatar rezıdentýra formasyndaǵy JOO keıin bilim alyp jatqandar kiredi.
Munymen qosa, jarnadan bala týýǵa, bala asyrap alýǵa, 3 jasqa deıingi bala kútimine baılanysty demalystaǵylar; jumys istemeıtin júkti áıelder, is júzinde 3 jasqa deıingi balany tárbıelep otyrǵan jumyssyz azamattar; zeınetkerler; eń tómengi deńgeıdegi qaýipsizdik mekemelerin eseptemegende sot sheshimimen QAJ mekemelerinde aıybyn óteýshiler; ýaqytsha ustaý ızolıatorlary men tergeý ızolıatorlaryndaǵy azamattar bosatylady.