Mınıstrlik Mılan áýejaıynda qalyp qoıǵan sportshylarǵa túsinik berdi

ASTANA. QazAqparat – Grepplıngten álem chempıonatynda Qazaqstan namysyn qorǵaýǵa bara jatqan bir top jas sportshy Italııanyń Mılan qalasynyń áýejaıynda qalyp qoıǵan. Osy oraıda elimizdiń mádenıet jáne sport mınıstrligi mán-jaıdy túsindirdi, dep habarlaıdy QazAqparat tilshisi.

Áleýmettik jeli qoldanýshysy Qazaqstan atynan grepplıngten álem chempıonatyna ushyp bara jatqan bir top jas sportshynyń Mılan áýejaıynda qalǵanyn aıtty.

Jazba avtorynyń aıtýynsha, Mılannan ári qaraı ushýǵa tıis sportshylar áýe reısiniń aýystyrylýyna balanysty jolda qalyp qoıǵan.

Sondaı-aq, avtor jas sportshylarǵa qarjylaı kómek kerektigin aıtqan.

Atalǵan jaıtqa QR Mádenıet jáne sport mınıstrligi túsinik berdi.

«Qazir Ispanııada (Pontevedra qalasynda) grepplıngten jastar, kadetter jáne eresekter arasynda álem chempıonaty ótip jatyr. Biz jattyqtyrýshymen baılanysqa shyqtyq, onyń aıtýynsha, komanda múshelerine avıatasymaldaýshynyń aýysqany týraly aqparat berilmegen. Sonymen qatar, áýe kompanııasy uzaq ýaqyt boıy baılanysqa shyqpaǵan. Jospar boıynsha sportshylar Mılan – Barselona – Vıgo reısimen ushýy kerek edi. Іske konsýldyq ókilderi aralasyp, qajetti kómek kórsetti. Sportshylar din-aman, olar qazir jarysqa qatysyp jatyr», - dep jaýap berdi atalǵan vedomstvonyń baspasóz hatshysy Gaýhar Omarbek.

Foto: facebook.com/groups/ Asel KýzembaevaAstana - Chto? Gde? Kogda?