Mınıstrlik koronavırýsqa qatysty sońǵy 3 apta derekterin salystyrmaly túrde usyndy

NUR-SULTAN. QazAqparat - QR Densaýlyq saqtaý mınıstrliginiń resmı ókili Baǵdat Qojahmetov sońǵy 3 aptada elimizde koronavırýs indetin juqtyrý derekterin aıtty, dep habarlaıdy QazAqparat tilshisi.

Onyń sózine qaraǵanda, PTR synaq teris nátıje kórsetken, ıaǵnı koronavırýs ınfektsııasynyń belgileri bar pnevmonııa boıynsha 1-24 tamyz aralyǵynda 22 744 naýqas tirkeldi. 4 519 naýqas jazylyp shyqty, 258 adam qaıtys boldy.

«Sońǵy 3 aptadaǵy jaǵdaıdy salystyrmaly túrde jetkizsem, tamyzdyń 3-9-y aralyǵynda 7 108 adam koronavırýsty juqtyrǵan. 222 adam qaıtys boldy. PTR test teris nátıje kórsetken 7 940 jaǵdaı tirkelgen. 122 adam kóz jumdy. Al tamyzdyń 10-16-sy aralyǵynda jaǵdaı birshama ózgerdi. ıAǵnı, COVID-19 vırýsyn 3 995 adam juqtyrdy. 151 adam qaıtys boldy. PTR test teris nátıje kórsetken 5 344 jaǵdaı tirkeldi, onyń ishinde 64 adam qaıtys boldy. Sońǵy aptada, tamyzdyń 17-23-i aralyǵynda COVID-19 indetin 1 685 adam juqtyrdy, 108 adam qaıtys boldy. 4 138 adamnyń PTR testinen teris nátıje anyqtalyp, onyń arasynda taǵy 40 adam kóz jumdy», - dedi ol Ortalyq kommýnıkatsııalar qyzmetindegi brıfıng barysynda.