Mınıstrlik kompıýterlik oıyndardyń balalarǵa psıhologııalyq turǵyda qanshalyqty áser etetinin saraptaýdy usynyp otyr

Bul týraly búgin Astanada elimizde qosymsha bilim berýdi damytý máselesine arnalǵan semınar-keńeste málim boldy.

Atalǵan vedomstvonyń Mektepke deıingi jáne orta bilim departamentiniń dırektory Jańyl Jontaevanyń paıymdaýynsha, bos ýaqytty kompıýterlik oıyndar, ınternet klýbtar men oıyn avtomattary sekildi jerlerde ótkizý kúrdeli problemalardyń birine aınalyp otyr.

«Bizdińshe, balalardyń qatysýymen bolatyn osy tektes jumystardy lıtsenzııalaý máselesin zerdeleý kerek. Osynyń aıasynda qazirgi kezde balalardyń damýyna jáne pedagogıkalyq tutastyq boıynsha atalǵan baǵdarlamalardyń psıhologııalyq áserin saraptaý men akkredıtatsııalaý turǵysynda jumystar júrip jatyr»,-dep toqtaldy ol.

J. Jontaevanyń pikirinshe, jasóspirimderdiń arasynda qylmystyń jıileýi, olardyń temekige, alkogoldik ishimdikterge áýestenýi jáne dinı aǵymdarǵa tartylýy balalardyń kóbisiniń mektepten tys ýaqyttarynda ózderimen-ózderi  jaıbaraqat júrýine baılanysty.