Mınıstrlik komıteti asa aýyr júk tıegen kóliktermen kúrestiń jańa tásilin usyndy
NUR-SULTAN. QazAqparat - QR IIDM Kólik komıteti júkti shamadan tys artyq tıep júrgen kólikterimen kúres sharalaryn bastap ketti. Osy oraıda komıtet asa aýyr júk tıep júretin kólikterdi anyqtaý úshin halyqtan kómek surady, dep habarlaıdy QazAqparat tilshisi.
«Joldardyń sapasyn saqtaý maqsatynda Kólik komıteti asa aýyr júk kólikteriniń (júkti shamadan tys artyq tıep alǵan) avtomobıl joldarymen júrgendigi týraly faktilerdi Sıtýatsııalyq ortalyqqa habarlaı alasyzdar. ıAǵnı turǵyndarǵa «Whats app» jáne «Telegram» mobıldik qosymshalary arqyly + 7 708 0880800 nómiri boıynsha málimet berýge bolady", - delingen QR IIDM baspasóz qyzmetiniń habarlamasynda.
Osy oraıda asa aýyr júk tıegen kólikterdiń avtomobıl joldarymen júrgendigi týraly faktini uıaly telefonǵa vıdeoǵa túsirip alý kerek. Osy habarlamada júk kóliginiń memlekettik nómiri, júrip ótken jeri men avtojol ýchaskesi, jaqynda ornalasqan eldi meken, ýaqyty kórsetilýi qajet.
Qosymsha suraqtar boıynsha táýlik boıy Sıtýatsııalyq ortalyqtyń 983535 senim nómirine habarlasýǵa bolady.
Eske sala ketsek, jaqynda «Qazjol ǴZI» AQ prezıdenti Baǵdat Teltaev jolda bilikterine normadan artyq salmaq túsirip, júre beretin aýyr júk kólikteriniń qyzmetine qatysty másele kótergen bolatyn.
«Qazaqstannyń kóptegen negizgi joldarynyń bári - bilikke túsetin 10 tonnalyq salmaqqa jobalanǵan. Qazaqstanǵa respýblıkalyq jáne jalpy paıdalanýǵa berilgen jergilikti respýblıkalyq joldardyń sany shamamen 100 myń shaqyrym deıtin bolsaq, sonyń úshten eki bóligi (67 paıyzy) 10 tonna jáne odan da tómen biliktik kúshke eseptelip salynǵan. Eger jolǵa osy normadan artyq kúsh túsiretin bolsaq, onda bizdiń avtokólikterdiń jobalyq merzimi boıynsha qyzmet kórsete almaıdy. ıAǵnı, joldar erte buzylýy yqtımal», - dedi ol.
