Mınıstrlik qazaqstandyq áskerı kadrlardy 7 shet memlekette oqytady

ASTANA. QazAqparat – Qorǵanys mınıstrligi qajettilikke baılanysty áskerı kadrlardy shet elderde oqytady. Ortalyq kommýnıkatsııalar qyzmetinde ótken brıfngide Áskerı bilim jáne ǵylym departamentiniń basshysy Jumabek Ahmetov osylaı málimdedi, dep habarlaıdy QazAqparat tilshisi.

«Qorǵanys mınıstrliginiń oqý oryndary jaqyn jáne alys shet elderde áskerı bilim alý úshin azamattardy irikteýdi júzege asyrady. Ushý, teńiz, qurlyq, ınjenerlik, medıtsınalyq jáne gýmanıtarlyq mamandyqtardy Reseı, Belarýs, Armenııa, AQSh, Túrkııa, Úndistan jáne Pákistan qorǵanys vedomstvolarynyń áskerı joǵary oqý oryndarynan alýǵa bolady», - dep toqtaldy Jumabek Ahmetov.

Qosa ketsek, buǵan deıin depatrament bastyǵy bıyldan bastap merzimdi áskerı mindetin atqarǵan jastar Qorǵanys mınıstrliginiń oqý oryndaryna emtıhansyz qabyldanatynyn aıtqan edi.