Mınıstrlik Qazaqstandaǵy sibir jarasyna qatysty ahýaldy aıtyp berdi

ASTANA. QazAqparat - QR Aýyl sharýashylyǵy mınıstrligi «sibir jarasy» tirkelgen óńirlerdegi jaǵdaı týraly aıtyp berdi. «QazAqparat» tilshisiniń resmı saýalyna qatysty bergen jaýabynda mınıstrlik jaǵdaıdyń tolyq baqylaýda turǵandyǵyn habarlady.

«Qaraǵandy oblysy Erkindik aýylynda epızootııaǵa qarsy iri qara maldy vaktsınatsııalaý jumystary aıaqtaldy. Jalpy ol jerde 1831 iri qara mal, 269 usaq mal, 900 bas jylqy egilgen. 24 680 m2 jerge zalalsyzdandyrý júrgizilgen», - dep jazady mınıstrlik.

Sonymen qatar Erkindik aýylynyń kireberisine eki blok-beket ornatylǵan. Maldyń qaýipti aımaqtan shyǵyp ketpeýi úshin aýyl aınalasyna shekara qazyldy. Kezekshilik táýlik boıy júrgizilýde, oǵan polıtsııa men tótenshe jaǵdaılar basqarmasynyń qyzmetkerleri tartylyp otyr.

«2016 jyly 15 shilde kúni tolyq zertteýlerdiń nátıjeleri negizinde karantın alynyp tastaldy.

Qazirgi ýaqytta ol jerdegi epızootııalyq ahýal jergilikti jáne oblystyq ınspektsııanyń jáne atqarýshy organdardyń baqylaýynda tur», - dep atap kórsetilgen habarlamada.

Shyǵys Qazaqstan oblysy Jarma aýdany Qalbataý aýyl okrýginiń «Aıǵaı kezeń» ýchaskesine karantın engizilgen bolatyn. Bul aımaqta 220 bas iri qara, 800 bas usaq mal basy «sibir jarasyna» qarsy vaktsııanatsııadan ótkizildi. Qazirgi ýaqytta aýyldyq okrýgtiń ákimi bergen buıryǵy boıynsha, bul jerden karantın alynyp tastaldy. Alaıda ol jerdegi ahýal jergilikti ınspektsııa men atqarýshy organdardyń baqylaýyna berildi.

Pavlodar oblysy boıynsha, Uzynsý aýylynda karantın jarııalanǵan bolatyn. Azamattardyń ıeligindegi maldy vaktsınatsııalaý jumystary júrgizildi. Mal terisin tekserý barysynda, iri qara maldyń 23 terisinen jáne 1 jylqy terisinen «sibir jarasynyń» qozdyrǵyshtary bary anyqtaldy. Olar arnaıy jerde dereý órtke qoıyldy. Qazirgi ýaqytta teri kúlin tekserý júrgizilýde.

Buǵan deıin habarlaǵanymyzdaı, 2016 jyldyń 8 maýsymy men 8 shildesi aralyǵynda Qazaqstan boıynsha 16 adam túıneme juqtyrǵan. Almaty oblysynda - úsh adam, Shyǵys Qazaqstan oblysynda - eki adam, Qaraǵandy oblysynda segiz adam, Pavlodar oblysynda úsh adam osy aýrýmen aýyrǵan. Ókinishke qaraı, Qaraǵandy oblysynda eki, Pavlodar oblysynda bir adam qaıtys boldy. Aman qalǵan on tórt adamnyń segizi qazir aýrýhanadan shyqqan, taǵy alty adam statsıonarda em qabyldaýda.