Mınıstrlik qaterli isiktiń órshýine sebep bolǵan basty faktorlardy atady
ASTANA. QazAqparat – Redaktsııamyzdyń resmı saýalyna jaýap bergen Densaýlyq saqtaý mınıstrligi Medıtsınalyq kómekti uıymdastyrý departamentiniń dırektory Azamat Dúısenov qaterli isiktiń órshýine sebep bolatyn negizgi faktorlardy atady, dep habarlaıdy QazAqparat tilshisi.
«Onkologııalyq aýrýlardyń damý sebebi ártúrli. Bul syrtqy faktorlar, ıaǵnı qorshaǵan orta, ekologııalyq, kásiptik faktorlar. Sonymen birge, ishki faktorlar – jas, tuqym qýalaýshylyq, sozylmaly aýrýlardyń bolýy, metabolıkalyq protsesterdiń buzylýy, gormonaldy buzylýlar, temeki shegý, alkogoldi ishimdikter ishý, zııandy tamaqtaný, qımyl-qozǵalystyń az bolýy. Qaterli isiktiń keıbir oshaǵy adam papılloma vırýsynyń nemese gepatıttiń saldarynan órshýi múmkin», - delingen departament dırektorynyń tilshi saýalyna oraı joldaǵan jaýabynda.
Qosa ketsek, Qazaqstanda onkologııamen aýyratyn 210 myńnan astam adam esepte tur.
Keıingi 2 jylda jastardan qaterli isik jıi anyqtalyp jatyr.
Jalpy jyl saıyn onokologııaǵa shaldyqqan naýqastardy emdeýge 36 mlrd teńge bólinedi.
