Mınıstrlik «ES-145» úlgidegi qosymsha tórt tikushaqty satyp aldy
ASTANA. 25 jeltoqsan. QazAqparat - Sanıtarlyq avıatsııany damytý maqsatynda biz «Eýrokopter» atty qosymsha 4 tikushaqty satyp aldyq. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Tótenshe jaǵdaılar mınıstri Vladımır Bojko málim etti.
Onyń aıtýynsha, búginde Qazaqstanda «ES-145» (Eýrokopter) úlgidegi 14 tikushaq bar. «Búgin ǵana men sońǵy tórteýiniń aqshasyn tólep, alatyn bolamyn. Budan basqa, eki «Ka-32» tikushaǵy bar. Bul - ámbebap tehnıka. Buryn ondaı tikushaqtar torpedolardy tasyp, áskerı súńgýir qaıyqtarǵa qarsy soǵysatyn. Qazir torpedolardyń ornyna 5 tonna sý syıatyn bak ornalasqan. Onymen kez kelgen bıiktikte órt sóndirýge bolady», - deıdi V.Bojko. Mınıstr atap kórsetkendeı, búgin ǵana kúrdeli jóndeýden ótken «Mı-26» tikushaǵy Óskemen qalasyna kelip qondy. Onyń bortyna 90 adamǵa deıin otyra alady.
