Mınıstrlik elshi Ábıbýlaevqa qatysty aqparattardy jarııalaýǵa ýáde etti
ASTANA. QazAqparat - Búgin Ortalyq kommýnıkatsııalar qyzmetinde ótken kezekti brıfıng barysynda QR Syrtqy ister mınıstrliginiń baspasóz xatshysy Ánýar Jaınaqov Qazaqstannyń Polshadaǵy elshisi Altaı Ábıbýllaevtyń máselesine qatysty suraqqa jaýap berdi, dep habarlaıdy QazAqparat tilshisi.
«Bárińiz jaqsy bilesizder, komıssııanyń sheshimi boıynsha memleket basshylyǵynyń qaraýyna Qazaqstannyń Polshadaǵy elshisiniń máselesi jiberilgen bolatyn. Dál qazir atalǵan máselege qatysty aqparat joq. Aldaǵy ýaqytta qandaı da bir detaldar shyǵyp jatsa, biz mindetti túrde ol jaıynda sizderge xabarlaıtyn bolamyz», - dedi Jaınaqov.
Aıta keteıik, aqpannyń 9-y kúni ótken QR Prezıdenti janyndaǵy sybaılas jemqorlyqqa qarsy kúres máseleleri jónindegi komıssııanyń otyrysynda Qazaqstannyń Polshadaǵy Tótenshe jáne ókiletti elshisi Altaı Ábıbýllaevtyń máselesi qaralǵan bolatyn. Komıssııa músheleri oǵan qatysty tártiptik jaza qoldanyp, tıisti usynysty Memleket basshysynyń qaraýyna engizdi. Alaıda naqty qandaı tártip buzýshylyq ekeni aıtylǵan joq.
