Mınıstrlik eldegi seısmologııa salasyn damytý úshin 72,4 mlrd teńge surap otyr

ASTANA. QazAqparat – Qazaqstandaǵy seısmologııalyq salany damytýdyń 2024-2028 jyldarǵa arnalǵan keshendi jospary bektilmek, dep habarlaıdy QazAqparat tilshisi.

Ashyq NQA portalynda jarııalanǵan josparǵa saı, aldaǵy 4 jyl ishinde myna jumystar atqarylýy tıis:

- qutqarý bólimsheleriniń materıaldyq-tehnıkalyq bazasyn nyǵaıtý jáne jańartý;

- tótenshe jaǵdaı aımaǵynda izdestirý-qutqarý jumystaryn júrgizý kezinde tıimdilik pen jedeldikti arttyrý;

- ınjenerlik, qurylys jáne ózge de tehnıkany, sondaı-aq joıqyn jer silkinisiniń saldaryn joıý úshin jumysqa ruqsaty bar adamdardy tartý;

- joıqyn jer silkinisi kezinde tótenshe jaǵdaılarǵa den qoıý boıynsha praktıkalyq daǵdylar deńgeıin arttyrý;

- zardap shekken halyqty qajetti kólemde aýyzsýmen jáne sharýashylyq sýmen qamtamasyz etý;

- jaǵdaıdy boljaý múmkindigin keńeıtý;

- zardap shekken halyqqa dárigerlik kómek kórsetý úshin dereý túrde medıtsına qyzmetkerlerin tartý, sondaı-aq dári-dármektermen jáne jabdyqtarmen qamtamasyz etý;

- joıqyn jer silkinisi kezindegi is-áreketter boıynsha halyqqa aqparat taratý.

«2024-2028 jyldar aralyǵynda jobany iske asyrý úshin 72 mlrd 450 mln 120 myń teńge somasyna respýblıkalyq bıýdjetten qosymsha qarajat talap etiledi», - dep qajetti qarajatty kórsetken Tótenshe jaǵdaılar mınıstrligi.

Qujat 10 tamyzǵa deıin kópshilik talqylaýda bolady.