Mınıstrlik el aımaqtaryndaǵy sanktsııalanbaǵan mıtıngilerge qatysty jaǵdaıdy túsindirdi
NUR-SULTAN. QazAqparat - QR Іshki ister mınıstrligi elimizdiń birqatar qalalaryndaǵy sanktsııalanbaǵan mıtıngiler men adamdardyń jıynyna qatysty jaǵdaıǵa túsinikteme berdi, dep habarlaıdy QazAqparat mınıstrliktiń baspasóz qyzmetine silteme jasap.
«1 mamyrda Nur-Sultan, Almaty, Semeı, Qaraǵandy jáne Aqtóbe qalalarynda Bas prokýratýranyń resmı habarlamasyna qaramastan, sanktsııalanbaǵan mıtıngiler men azamattardyń jınalýy oryn aldy. Aktsııaǵa qatysýshylarǵa ózderiniń ustanymdary men áleýmettik jáne basqa da problemalyq máseleler boıynsha pikirlerin erkin jáne ashyq bildirýge múmkindik berildi. Alaıda Nur-Sultan jáne Almaty qalalarynda jınalǵandardyń birqatary ózderin agressııalyq túrde ustap, tyıym salynǵan «DVK» ekstremıstik uıymynyń urandaryn aıqaılap, qoǵamdyq tártipti buzdy. Osyǵan baılanysty ákimdikter men prokýratýra ókilderi beıbit mıtıngiler, jınalystar men sherýler ótkizý tártibi týraly zańnamanyń erejelerin túsindirdi»,-delingen habarlamada.
Sondaı-aq onda jekelegen azamattardyń zańsyz áreketterdi toqtatý týraly talaptarǵa baǵynbaǵandyǵy, sodan keıin polıtsııanyń kúshimen qoǵamdyq tártipti qalpyna keltirýge jáne tártip buzýshylardy ustaý sharalary qabyldanǵandyǵy aıtylǵan.
«Nátıjesinde elordada jáne Almatyda polıtsııa bólimderine 80 azamat jetkizildi. Olardyń áreketterine zańda belgilengen tártippen quqyqtyq baǵa beriletin bolady. Іshki ister mınıstrligi azamattarǵa arandatýshylyqqa berilmeýge jáne Qazaqstan Respýblıkasynyń zańnama talaptaryn saqtaýǵa shaqyrady»,-delingen baspasóz qyzmeti taratqan málimetterde.
