Mınıstrlik buryn sotty bolǵan adamdardy jumyspen qamtýǵa ekpin qoımaq
ASTANA. QazAqparat - QR Іshki ister mınıstrligi ákimdikterden buryn sotty bolǵan adamdardy jumyspen qamtýdy talap etpek. Bul týraly búgin Parlament Májilisindegi Úkimet saǵatynda QR Іshki ister mınıstriniń birinshi orynbasary Janat Súleımenov málim etti, dep habarlaıdy QazAqparat.
«Jastar arasyndaǵy quqyq buzýshylyqtyń aldyn alýǵa qatysty qadamdardy ózgertemiz. Jalpy, sońǵy 5 jylda jastar jáne kámeletke tolmaǵandar tarapynan oryn alǵan qylmys tómendep keledi. Alaıda eń basty problema jumyspen qamtýǵa baılanysty bolyp otyr. Sebebi 2018 jyly tirkelgen 46 myń qylmystyń ishinde 35 myńnan astamy jumyssyzdarǵa tıesili. ıAǵnı olar bilimin jetildirýge barmaǵandar, turaqty jumysy men turǵylyqty jeri joq jandar». - dedi J. Súleımenov.
Onyń sózine qaraǵanda, 30 myńnan astam adam probatsııa esebinde tur. Onyń ishinde 11,5 myńnan astamy jumyspen qamtylmaǵan.
«Bul turǵyda ákimdikterden birinshi kezekte bas bostandyǵynan aıyrý oryndarynan bosatylǵandardy jumyspen qamtýdy talap etpekpiz», - dedi Janat Súleımenov.
Budan buryn habarlanǵandaı, búgin Úkimet saǵatynda QR Qoǵamdyq damý mınıstri Darhan Káletaev NEET sanatyndaǵy jastardyń úlesin tómendetý sharalary týraly aıtty.
Sonymen qatar ol osy aptada Astana, Almaty jáne Shymkent qalalarynda jastardy pátermen qamtamasyz etýge arnalǵan jobaǵa baılanysty kelisim jasalatyndyǵyn atap ótti.
