Mınıstrlik BAÁ-de qutqarylǵan qyzdar týraly: Olar ózderiniń jaǵdaıyn habarlamaıdy

ASTANA. QazAqparat – QR Syrtqy ister mınıstrliginiń resmı ókili Aıbek Smadııarov Birikken Arab Ámirlikterinde qıyn jaǵdaıǵa tap bolyp, qutqarylǵan qazaqstandyqtar týraly aıtty, dep habarlaıdy QazAqparat tilshisi.

«Qazaqstan azamattary qıyn jaǵdaıǵa tap bolatyn nemese qaryz esebinen olardan qujattaryn alyp qoıatyn kezder bolady. Muny quldyq dep aıtýǵa bolmaıdy. Al qıyn jaǵdaıǵa túsken adam zardaptardan qorqady. Sondyqtan ózderiniń jaǵdaıyn habarlamaı, uzaq ýaqyt júrip qalady. Biz mundaı adamdardy qutqardyq. Olar negizinen qyzdar», - dedi Aıbek Smadııarov.

Onyń aıtýynsha, BAÁ-de qazaqstandyqtardyń quldyqta bolǵany týraly faktileri tirkelmegen.

Osy aıdyń basynda aqsha tabý úshin Ońtústik-Shyǵys Azııadaǵa attanyp, eńbek quldyǵyna tap bolǵan eki qazaqstandyq azamat týraly málim boldy.

Keıin, 23 qańtarda atalǵan eki Qazaqstan azamaty Mıanmadan tabylyp, quldyqtan bosap shyǵyp, elge jetkizildi.

Foto: t.me/pressmfakz