Mınıstrlik avıakerosınmen qamtamasyz etý jaǵdaıyna túsinik berdi

ASTANA. QazAqparat - QR Energetıka vıtse-mınıstri Bolat Aqsholaqov Qazaqstanda avıakerosındi óndirý máselesine túsinik berdi, dep habarlaıdy QazAqparat.

«Ótken jyly 300 myń tonna avıakerosın óndirdik. Al qajetti kólem 630 myń tonna shamasynda, ıaǵnı qalǵan otyn Reseıden tasymaldandy. Biz ótken jyly qajetti kólemdi óndirýge daıyn boldyq, alaıda jarty jyldyq ýaqyt otyndy sertıfıkattaý sharalaryna ketti. Bul rásimdi IATA halyqaralyq agenttigi talap etti. Byltyr osy baǵytta jumystardy aıaqtadyq», - dedi ol Parlament Senaty Ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrysynda.

B. Aqsholaqovtyń aıtýynsha, bıyl jospar boıynsha 694 myń tonna aıakerosın óndirilmek, al ishki qajettilik 630-650 myń tonna deńgeıinde qalyptasady dep kútilýde.

«Eger de tutyný kólemi kúrt artsa, onda Reseıden 300 myń tonnaǵa deıin avıakerosın jetkizý múmkindigi bolady», - dedi ol.