Mınıstrlerge smartfon paıdalanýǵa tyıym salyndy
ASTANA. QazAqparat - Qazaqstannyń mınıstrlerine keńester, jınalystar barysynda ınternetke qosylatyn, foto jáne beıne túsirý kameralary bar telefondy paıdalanýǵa tyıym salyndy. Búgin QR Parlamenti Senatynyń jalpy otyrysynan keıin jýrnalıster osy máselege qatysty vedomstvo basshylarynyń pikirin bilgen bolatyn.
Máselen, Densaýlyq saqtaý jáne áleýmettik damý mınıstri Tamara Dúısenovanyń aıtýynsha, bundaı ereje álemniń kóptegen elderiniń úkimetterinde birazdan beri qoldanylyp keledi.
«Qandaı da bir memlekettik organdarǵa barǵanda ondaı telefondar belgili bir kórsetilgen oryndarda ýaqytsha qaldyrylady. Sosyn odan shyqqannan soń qaıta alyp, paıdalanýǵa bolady», - dedi T. Dúısenova.
Al Іshki ister mınıstri Qalmuhanbet Qasymovtyń aıtýynsha, ishki ister vedomstvosynda bul ereje buǵan deıin de qoldanylyp keledi. «Mundaı uıaly baılanys qondyrǵylaryn bizderde jınalystarǵa alyp kirip, qoldanýǵa tyıym salynǵan. Óıtkeni, ishki isterdegi kóptegen máseleler qupııaly bolyp keledi», - dep túsindirdi mınıstr.
