Mınıstrlerdiń múgedekter máselesi boıynsha keńesshileri bolýy qajet - «Namys» birlestiginiń usynysy

ASTANA. 21 qarasha. QazAqparat - Búgin QR Prezıdenti janyndaǵy Adam quqyqtary jónindegi komıssııanyń keńeıtilgen májilisinde joǵary bilimi bar múgedekterdiń «Namys» qoǵamdyq birlestiginiń tóraǵasy Qaırat Imanálıev osylaı aıtty.

Uıym basshysy atap kórsetkendeı, jaqynda Úkimette ótken otyrysta barlyq ákimderdiń deńgeıinde múgedekter máselesi boıynsha arnaıy keńesshini engizý máselesi qaralǵan bolatyn. Búginde ol sheshim qabyldanyp, múgedekter qatarynan shyqqan keıbir keńesshiler óz qyzmetine kiristi. «Alaıda bul bastamany keńeıtip, ondaı keńesshilerdi mınıstrlikter deńgeıinde engizý kerek. Sebebi bul jalǵyz eńbek jáne halyqty áleýmettik qorǵaý mınıstrliginiń jumysy ǵana emes. Oǵan barlyq mınıstrlikter jaýapty bolýy shart. Bizdińshe, sonyń arqasynda múgedekter máselesi keshendi túrde sheshiletin bolady», - deıdi Q. Imanálıev.