Mınıstrler ushaq apatynan qaza tapqandardyń týystaryna kóńil aıtýda
NUR-SULTAN. QazAqparat – QR Úkimet músheleri Almaty túbinde ushaqtyń apatqa ushyraýy saldarynan qaza tapqan azamattardyń týǵan-týystaryna kóńil aıtýda, dep habarlaıdy QazAqparat.
QR Premer-Mınıstriniń birinshi orynbasary- Qarjy mınıstri Álıhan Smaıylov zardap shekkenderdiń barlyǵyna qajetti kómek kórsetiletindigin atap ótedi.
«Almaty oblysynda áýe apatynan qaza bolǵandardyń týǵan-týystary men jaqyndaryna qaıǵyra kóńil aıtamyn. Búkil el sizdermen birge aza tutýda. Barlyǵyna qajetti kómek pen qoldaý kórsetiletin bolady», - dedi Álıhan Smaıylov.
Sonymen birge, QR Premer-Mınıstriniń orynbasary, Almatydaǵy ushaq apaty boıynsha úkimettik komıssııa múshesi Roman Sklıar qaza tapqandar men zardap shekkenderdiń otbasyna bparlyq kómek pen qoldaý kórsetiletindigin aıtty.
«Ushaq apatynan kóz jumǵandardyń týǵan-týystaryna qaıǵyra kóńil aıtamyz. Bul jaǵdaıǵa qatysty eshkim de memlekettiń qoldaý sharalarynan tys qalmaıdy. Qaıtys bolǵandardyń týǵan-týystary men zardap shekkenderde qajetti barlyq kómek pen qoldaý kórsetiledi», - dedi Roman Sklıar.
«Almaty túbindegi áýe apatynan qaza bolǵandardyń otbasylary men týǵan-týystaryna kóńil aıtamyn. Qaıǵylaryńyzǵa ortaqpyn»,- dep jazdy QR Densaýlyq saqtaý mınıstri Eljan Birtanov Twitter-degi paraqshasynda.
Ushaq apatynan qaza tapqan azamattardyń týǵan-týystaryna QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev te kóńil aıtty.
«Almaty mańynda oryn alǵan jolaýshylar ushaǵy apatynan qaza tapqandardyń týystary men jaqyndarynyń qaıǵylaryna ortaqtasyp, kóńil aıtamyn. Apattan zardap shekkenderdiń tezirek saýyǵyp, otbasyna oralýyna tilektespin. Arnaıy qurylǵan Úkimettik komıssııa oqıǵanyń sebep-saldaryn anyqtaıtynyna senimdimin», - delingen mınıstrdiń Facebook-te jarııalanǵan jazbasynda.
Qazaqstannyń Syrtqy ister mınıstrligi de Almaty qalasynyń mańynda ushaqtyń apatqa ushyraýy týraly qaıǵyly habardy tereń kúızelispen qabyldaǵandyqtaryn habarlady.
«Bek Air kompanııasynyń jolaýshylar ushaǵynyń apatqa ushyraýy saldarynan qaza tapqandardyń otbasylaryna qaıǵyryp kóńil aıtamyz. Zardap shekkenderge tezirek saýyǵýdy tileımiz», - delingen mınıstrliktiń Telegram-daǵy habarlamasynda.
Mádenıet jáne sport mınıstr Aqtoty Raıymqulova da Bek Air áýekompanııasy ushaǵynyń apatqa ushyraýy saldarynan qaza tapqanqandardyń týystary men jaqyndaryna kóńil aıtty.
«Búgin tańerteń Almaty qalasynyń áýejaıynan ushyp shyqqan Bek Air áýekompanııasynyń apatqa ushyraǵan ushaǵynda qurban bolǵan jáne zardap shekkender týraly aqparatty tereń kúızelispen oqydym. Men Sizdermen birge qaza tapqandardyń týǵan-týysqandary men et-jaqyndaryna qaıǵyryp kóńil aıtamyn, al zardap shekkenderdiń barlyǵynyń tezirek saýyǵyp ketýin tileımin», – dedi QR Mádenıet jáne sport mınıstri.
Óz kezinde QR Ekologııa, geologııa jáne tabıǵı resýrstar mınıstri Maǵzum Myrzaǵalıevte apattan qaza tapqandardyń otbasyna kóńil aıtty.
«Áýe apatynan qaza tapqandardyń týǵan-týystary men jaqyndaryna qaıǵyryp kóńil aıtamyn. Sizdermen birge aza tutamyz. Zardap shekkenderdiń tezirek saýyǵyp ketýin tileımin», - dedi ol.
Qazaqstan Respýblıkasy Eńbek jáne halyqty áleýmettik qorǵaý mınıstri Birjan Nurymbetov Almaty qalasynyń mańynda oryn alǵan ushaq apatynan qaıtys bolǵan azamattardyń týystary men jaqyndaryna qaıǵyryp kóńil aıtty.
«Áýe kemesiniń apatqa ushyraǵany týraly habardy zor kúızelispen qabyldadym. Qaza bolǵan azamattardyń otbasylaryna, týystary men jakyndaryna shyn júrekten kóńil aıtamyn. Jaraqat alǵan azamattarymyzdyń tezirek saýyǵyp ketýlerine tilektestik bildiremin», – dedi Birjan Nurymbetov.
Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.
Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.
QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi.
Elbasy Nur-Sultan Nazarbaev jolaýshylar ushaǵynyń apatqa ushyraýyna baılanysty kóńil aıtty.
