Mınıstrler men ákimder oqýshylarmen birge aǵash otyrǵyzady
NUR-SULTAN. QazAqparat - 3 qazan kúni Qazaqstan mektepterinde «Eko-saǵat» keń kólemdi aktsııasy bastalady. Bul týraly QR Ekologııa, geologııa jəne tabıǵı resýrstar mınıstri Maǵzum Myrzaǵalıev aıtty, dep habarlaıdy QazAqparat.
«Dostar, osy beısenbide elimizdiń barlyq mektepterinde «Eko-saǵat» atty fakýltatıv oqytyla bastaıtynyn qýana habarlamaqpyn. Bul kún kezdeısoq tańdalǵan joq. 3 qazanda Dúnıejúzilik mekendeý ornyn qorǵaý kúni atalyp ótedi», - dep jazdy mınıstr Twitter-degi paraqshasynda.
Aktsııaǵa Mınıstrler kabınetiniń barlyq músheleri, óńir ákimderi qatysady. Olar respýblıka mektepterinde sabaq ótkizip, keıin oqýshylarǵa aǵash otyrǵyzýǵa kómektesedi.
«Barlyǵy 200 myńnan astam aǵash otyrǵyzylmaq. Qazaqstanda «eko-saǵat» ótkizý dástúrge aınalyp, halyqty ekologııalyq turǵyda tárbıeleýge edáýir úles qosady dep senemin», - dedi vedomstvo basshysy.
Jospar boıynsha, aktsııaǵa Qazaqstandaǵy 6 myń mektep pen 2 mln oqýshy qatysady.
