Mınıstrler halyq aldynda esep berýdi bastady
ASTANA. QazAqparat - Osy aptada QR Mádenıet jáne sport mınıstri Arystanbek Muhamedıuly, QR Bilim jáne ǵylym mınıstri Erlan Saǵadıev jáne QR Energetıka mınıstri Qanat Bozymbaev halyq aldynda esep beredi, dep habarlaıdy QazAqparat.
Bul týraly Ortalyq kommýnıkatsııalar qyzmetiniń resmı ókili Oksana Loskýtova aptanyń oqıǵalar kúntizbesin baıandaý barysynda málim etti.
Onyń aıtýynsha, búgin 29 mamyrda atqarylǵan jumystar týraly Qoǵamdyq keńes aldyndaǵy esepti QR Mádenıet jáne sport mınıstri Arystanbek Muhamedıuly bastaıdy. 31 mamyrda QR Bilim jáne ǵylym mınıstri Erlan Saǵadıevtiń, al 1 maýsymda QR Energetıka mınıstri Qanat Bozymbaevtyń halyq aldyndaǵy esep berý kezdesýleri ótedi.
Sonymen birge, aptanyń alǵashqy kúni QR Senatynyń Agrarlyq máseleler, jer qoınaýyn paıdalaný, jáne aýyldyq aýmaqty damytý komıtetiniń keńeıtilgen otyrsynda QR keıbir zańnamalyq aktilerine ósimdik jáne janýarlar álemi máselesi boıynsha ózgerister men tolyqtyrýlar engizý týraly zań jobasy talqylanady.
30 mamyrda Senattyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysy QR jáne RF úkimetteri arasynda avıatsııalyq izdeý jáne qutqarý salasyndaǵy yntymaqtastyq týraly kelisimdi ratıfıkatsııalaý týraly zań jobasyn talqylaýǵa arnalady.
31 mamyrda Senatta Qazaqstan Respýblıkasyndaǵy turmystyq qatty qaldyqtardy joıý máselesi óńir depýtattar tobynyń dóńgelek ústelinde talqylanady.
1 maýsymda QR Parlamentiniń kúntártibinde Ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrysy ótedi. Qatysýshylar QR keıbir zańnamalyq aktilerine jergilikti ózin-ózi basqarý, damytý boıynsha ózgertýler men tolyqtyrýlarǵa qatysty zań jobasyn talqylaıdy. Sondaı-aq, bul kúni QR Parlamenti Májilisiniń Halyqaralyq ister, qorǵanys jáne qaýipsizdik komıtetiniń dóńgelek ústeli otyrysynda «100 naqty qadam Ult jospary» aıasyndaǵy aqparattyń qoljetimdiligi týraly zańnyn oryndalýy talqylanady.
Ortalyq memlekettik organdarda da bul aptaǵa birqatar mańyzdy sharalar josparlanǵan. Búgin QR Qorǵanys mınıstrligi Ujymdyq qaýipsizdik týraly shart uıymymen birlesip, 31 mamyrda aıaqtalatyn «Myzǵymas baýyrlastyq - 2017» birlesken jattyǵýyn bastaıdy.
2 maýsym kúni ShYU múshe memleketteri, mádenıet mınıstrleriniń keńesi ótedi.
Osy aptada barlyq óńirlerde saıası Qýǵyn-súrgin men asharshylyq qurbandaryn eske alýǵa arnalǵan sharalar uıymdastyrylady.
29 mamyr kúni Tarazda «El rámizderi eldigimizdiń berik negizi» atty ǵylymı tájirıbelik konferentsııa ótedi.
31 mamyrda Pavlodar jáne Aqtóbe oblystarynda mıtıngter ótip, gúl shoqtaryn qoıý rásimi bolady.
1 maýsymda Qazaqstan Halyqaralyq balalardy qorǵaý kúnin atap ótedi. Qostanaı, Batys jáne Shyǵys Qazaqstan oblys ortalyqtarynyń basty kóshelerinde balalar men jastardyń mýzykalyq ansamblderiniń sherýi ótedi.
Bul aptada Ortalyq kommýnıkatsııalyq qyzmeti alańynda birqatar baspasóz konferentsııalary ótedi. Búgin 70 Kann halyqaralyq kınofestıvalinen kelgen qazaqstandyq delegatsııanyń eń jarqyn sátteri týraly Eýrazııa kınofestıvaliniń prezıdenti, Qazaq ulttyq óner ýnıversıtetiniń rektory Aıman Musaqojaeva aıtyp beredi.
2 maýsymda Batys Qazaqstan oblysyndaǵy kıeli oryndar boıynsha «Kazakh geography» geografılyq qoǵamynyń ekpedıtsııasy jáne onyń ereksheligi týraly Nazarbaev Ýnıversıtetiniń ınnovatsııalar boıynsha vıtse-prezıdenti Qanat Baıǵarın áńgimeleıdi.
