Mınıstriniń orynbasary jasóspirimderdi áskerı esepke alý qalaı júrip jatqanyn túsindirdi

ASTANA. QazAqparat – Endi jasy 17-ge tolǵan qazaqstandyqtar áskerı komıssarıatqa baryp esepke alynbaıdy. Atalǵan protsess avtomattandyrylǵan. Áskerge baratyn jastardy esepke alý jumystary týraly Qorǵanys mınıstriniń orynbasary Darhan Ahmedıev aıtyp berdi, dep habarlaıdy QazAqparat tilshisi atalǵan vedomstvonyń Telegram kanalyna silteme jasap.

«Áskerı esepke alýdy alyp tastaýdyń basty maqsaty osy baǵyttaǵy jumystardyń tıimdiligin arttyrý. Jalpy esepke alý eki maqsatty kózdeıdi. Birinshi, 17 jastaǵy jasópirimderdi esepke alý. Ekinshisi jasóspirimniń áskerı qyzmetke jaramdylyǵyn, ıaǵnı densaýlyq jaǵdaıyn bilý. Biz aqparattyq júıeni modıfıkatsııalaý jáne ony basqa da memlekettik organdardyń júıesimen ıntegratsııalaý arqyly 16-60 jastaǵy er azamattardy esepke aldyq. Esepke alynǵan azamattardyń barlyq jeke derekteri bar. Osylaısha azamattardy esepke alýdy onlaın júzege asyryp otyrmyz», - dedi Darhan Ahmadıev «Onlaın-brıfıng» baǵdarlamasynda.

Vıtse-mınıstrdiń aıtýynsha, jasóspirimderdiń densaýlyq jaǵdaıyn anyqtaý sala mınıstrliginiń quzyretinde.

«Densaýlyq saqtaý mınıstrligi 15-17 jastaǵy jasóspirimderge jyl saıyn skrınıng jasaıdy. ıAǵnı mamandar jetkinshekterdiń densaýlyq jaǵdaıyn baqylap otyrady. Bizge aqparattyq júıeni ıntegratsııalaýdyń arqasynda jasóspirimderdiń densaýlyq jaǵdaıyna qatysty derekter qoljetimdi. Mamandar usynǵan málimetterge súıene otyryp biz jasóspirimniń áskerge jaramdylyǵyn anyqtaımyz», - deıdi ol.

Sondaı-aq, D. Ahmadıev atalǵan jańashyldyq bıýdjettiń mıllıardtaǵan qarjysyn únemdeýge múmkindik beretinin aıtty.

«Jergilikti ákimdikter jasóspirimderdi áskerı tirkeý jumystary men ony uıymdastyrýǵa qarajat bóletin», - deıdi mınıstrdiń orynbasary.