Mınıstrge 2011-2015 jyldarǵa arnalǵan «Oqýlyq» respýblıkalyq ǵylymı-tájirıbelik ortalyqty damytý baǵdarlamasy usynyldy
TANA. 29 shilde. QazAqparat. QR Bilim jáne ǵylym mınıstri B. Jumaǵulovtyń tóraǵalyǵymen «Oqýlyq» respýblıkalyq ǵylymı-tájirıbelik ortalyqtyń qyzmetin jetildirý máselesi jóninde keńes ótti. Mınıstrlik basshysyna 2011-2015 jyldarǵa arnalǵan «Oqýlyq» respýblıkalyq ǵylymı-tájirıbelik ortalyqty damytý baǵdarlamasy usynyldy.
Ortalyqtyń qyzmetin taldaý nátıjesi kórsetkendeı oqýlyqtar men oqý-ádistemelik keshenderdi ázirleý jáne shyǵarý otandyq júıeni qatań jetildirý talabyn qoıyp otyr.
Anglııa, Germanııa, Kanada, Norvegııa, Reseı, Sıngapýr jáne AQSh-tyń oqýlyqtar ádebıetin óńdeý, saraptaý jáne shyǵarý talqylanǵan halyqaralyq tájirıbeleriniń, sonymen birge Qazaqstan Respýblıkasy Parlamentiniń depýtattarynyń saýaldaryn taldaý nátıjesi negizinde jáne BAQ-ta jarııalanǵan syn materıaldardyń negizinde sońǵy bes jyldyń ishinde ortalyq qazaqstandyq oqýlyqtardyń sapasyn arttyrý úshin jańa usynystar ázirledi.
Basty sheshilmegen másele - oqýlyqtardy saraptaý sapasy.
Ótken jyldyń qarasha aıynda saraptaý protsedýrasyn jetildirý maqsatynda sharalar kesheni qabyldandy.
Bilim jáne ǵylym mınıstrligi ázirleýshilermen usynylǵan oqýlyqty «Oqýlyq» respýblıkalyq ǵylymı-tájirıbelik ortalyqqa tapsyrady. Tolyq saraptamadan keıin, ortalyq qorytyndysyn berip oqýlyqty respýblıkalyq qoǵamdyq keńesine usyný nemese usynbaý sheshimin qabyldaý úshin jiberedi. Keńestiń quramyna Parlament depýtattary jáne belgili ǵalymdar men pedagog-tájirıbeshiler kiredi.
Taǵy bir mańyzdy másele - ol jyldan jylǵa oqýlyq avtorlarynyń ózgermeýi. Ústimizdegi jyldyń mamyr aıynda matematıka muǵalimderiniń І sezinde mınıstr jańa formatsııadaǵy avtorlar men sarapshylardy daıarlaý jáne oqýlyqtar men oqý-ádistemelerdiń sapasyna eksperttik qorytyndy bergen avtorlar tolyq jaýap beretin ustanymdy qamtamasyz etý qajettiligi týraly aıtty. Ol búgingi jıynda mınıstrliktiń pozıtsııasyn rastady. Qazaqstanda ekspertterdi jáne oqýlyqtardyń avtorlary men shyǵarýshylar mektebin qurý ýaqyty keldi.
Tamyz aıynyń basynda Astana, Almaty, Atyraý, Taraz qalalarynda oqýlyqtar sapasynyń máseleleri boıynsha pedagogtar qoǵamymen aımaqtyq jıyndar ótkiziledi.
Qorytyndylaı kelgende, bilim berý vedomstvosynyń basshysy Qazaqstan oqýlyqtarynyń sapasy máselesi qoǵamdyq dıalogqa ashyq ekenin atap aıtty.
Bul másele tamyzdyń 25-inde Astana qalasynda ótetin Respýblıkalyq pedagogtar forýmynda talqylanatyn negizgi taqyryptardyń biri bolýy múmkin.
