Mınıstrdiń orynbasary sáýir aıynda Bıshimbaev sot otyrysyna nege kelmegenin túsindirdi

ASTANA. KAZINFORM – Cáýir aıynyń aıaǵyndaǵy sot otyrysyna Qýandyq Bıshimbaev tehnıkalyq sıpattaǵy másele boıynsha ýaqytyly jetkizilmedi. Bul týraly Іshki ister mınıstriniń orynbasary Aıdos Rysbaev aıtty.

Búgin Parlament Májilisinde tilshiler mınıstrdiń orynbasarynan 29 sáýirde isti bolǵan Q. Bıshimbaev ne sebepti sotqa ýaqytyly jetkizilmegenin surady.

Óz kezeginde A. Rysbaev buǵan tehnıkalyq sıpattaǵy máseleler áser etkenin aıtty.

«Qazir qyzmettik tekseris júrip jatyr. Tekseris aıaqtalǵannan keıin, tıisti aqparat jarııalanady. Máselen, avtokólik sebep bolǵan. Kóliktiń otalmaýy, buzylýy nemese dóńgelegi jarylýy múmkin», - dedi vedomstvo ókili.

Bul rette, tilshiler Bıshimbaevtiń ózine qol salmaq bolǵan degen aqparat qanshalyqty shyndyqqa janasatynyn týraly suraq qoıdy.

Aıdos Rysbaev mundaı aqparattan habarsyz ekenin aıtty.

Eske salsaq, bıyl 29 sáýir kúni saǵat 10:00-de bastalýy tıis eks-sheneýnik Qýandyq Bıshimbaevqa qatysty sot otyrysy tústen keıinge qaldyryldy.

Sol kezde sýdıa kúdiktilerdi jetkizetin qyzmetkerlerdiń jumysynda tehnıkalyq aqaý bolǵanyn aıtty.