Mınıstrdiń orynbasary Fınlıandııanyń joǵary memlekettik nagradasymen marapattaldy
ASTANA. QazAqparat - Qazaqstan Respýblıkasynyń Syrtqy ister mınıstriniń orynbasary Ǵalymjan Qoıshybaev Fınlıandııanyń eń joǵarǵy memlekettik marapattarynyń biri - Fınlıandııanyń Arystan Ordeni, 1-shi synyptaǵy Komandıri ataǵymen marapattaldy, dep habarlady QR Syrtqy ister mınıstrliginiń baspasóz qyzmeti.
Atalǵan syılyqqa Helsınkıdegi turǵylyqty jeri bar Qazaqstannyń birinshi elshisi (2008-2016 jj.) Ǵ. Qoıshybaev ekijaqty qarym-qatynastardy damytýǵa qosqan úlesi úshin ıe boldy.
Fınlıandııa Táýelsizdiginiń 100-jyldyǵyna arnalǵan qabyldaýda qazaqstandyq dıplomatty Fınlıandııa elshisi Mıkko Kıvıkoskı marapattady.
Óz kezeginde Ǵ. Qoıshybaev joǵary baǵaǵa alǵys bildirip, bul marapat Qazaqstan men Fınlıandııa arasyndaǵy dostyq dánekerdiń beriktigin bildiretinin atap ótti.
