Mınıstrdiń qatysýymen Jalpyǵa birdeı aqparatqa qol jetkizýdiń halyqaralyq kúnine oraı vebınar ótti

NUR-SULTAN. QazAqparat - Búgin mınıstr Aıda Balaevanyń qatysýymen «Bilý quqyǵy – aqparatqa qol jetkizý arqyly adamdardyń ómirin jaqsartý» taqyrybynda Túrkistan oblysy memlekettik organdarynyń aqparatqa qol jetkizý máseleleri boıynsha ýákiletti tulǵalarǵa arnalǵan qazaq tilindegi vebınardyń jumysy ótti, dep habarlaıdy QazAqparat.

Sharany 28 qyrkúıektegi Halyqaralyq aqparatqa jalpyǵa birdeı qol jetkizý kúnine oraı Mınıstrliktiń qoldaýymen Almatydaǵy ıÝNESKO-nyń Klasterlik bıýrosy uıymdastyrdy.

«Aqparatqa qol jetkizý máselesi – bizdiń kúndelikti ómirimizdiń qaı salasynda da basty qajettilik. Onyń mańyzy ásirese osy pandemııa kezinde aıqyn biline tústi. Sondyqtan basty maqsatymyz – ózekti taqyryptardy der kezinde anyqtap, qoǵamdy tolyqqandy aqparatpen qamtamasyz etý», - dedi Aıda Balaeva.

Vebınar «Aqparatqa qol jetkizý týraly» Zańnyń saqtalýyn qamtamasyz etý máselelerin oqytýǵa baǵyttalǵan.

Eske sala keteıik, 2020 jyldyń sońynda «Aqparatqa qol jetkizý týraly» Zańǵa engizilgen jańalyqtarǵa sáıkes barlyq memlekettik organdarda aqparatqa qol jetkizý máseleleri boıynsha ýákiletti tulǵalar (bólimsheler) anyqtaldy.

«Árıne, bul salaǵa jaýapty qyzmetkerdi zańmen bekitý – birinshi qadam ǵana. Bul baǵyttaǵy jumystyń júıeli de sapaly júrýi úshin – olardy turaqty oqytyp, biliktilik deńgeıin únemi jetildirip otyrý qajet», - dep atap ótti Aıda Balaeva.

Aıta ketken jón, bul ekinshi ret ótkizilgen vebınar. Buǵan deıin, 2020 jyldyń qarasha aıynda birinshi vebınar Nur-Sultan qalasynda ótkizildi.

Vebınar materıaldary mynasilteme boıynsha qoljetimdi: