Mınıstrdi maımylǵa teńegen áıel temir tordan bir-aq shyqty
ASTANA. QazAqparat - Frantsııada «Ulttyq maıdan» partııasynyń burynǵy kandıdaty, Ann-Sofı Lekler esimdi áıel Frantsııa ádilet mınıstri, qara násildi Krıstıan Tobırany maımylǵa teńegeni úshin 9 aıǵa bas bostandyǵynan aıyrylyp otyr, dep jazady sheteldik BAQ.
Sonymen qatar, Lekler 50 myń eýro kóleminde aıyppul tólep, 5 jyl kóleminde saılaýǵa qatysý quqyǵynan aıyryldy.
Leklerdiń aıtýynsha, ol mundaı qatal sheshimdi kútpegen kórinedi, endi sotqa shaǵymdanbaq. Al rasızmmen kúres assotsıatsııasynyń ókilderi sottyń bul sheshimine qanaǵattandy.
2013 jyly Lekler tikeleı efırde ótken suhbattardyń birinde Tobırany maımylǵa teńegen edi. Keıin áleýmettik jelilerde bul talqylana bastaıdy. Al Leklerdiń kandıdatýrasy saılaýdan alynyp tastalady. Bul oqıǵa Frantsııada keń aýqymdy qoǵamdyq tolqynys týdyrdy.
