Mınıstr jýrnalısterdiń karantındegi jumys tártibin túsindirdi

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev karantınniń kúsheıtilgen rejıminde BAQ redaktsııalaryna úndeý jasady, dep habarlaıdy QazAqparat.

«Arnaıy buqaralyq aqparat quraldarynyń redaktsııalaryna aıtarymyz, qyzmetkerlerdi qashyqtan jumys isteýge jiberý qajet. Qalada jumys babymen júrý úshin jýrnalıstiń ózimen birge qyzmettik kýáligi jáne redaktsııalyq tapsyrma týraly anyqtama bolýy qajet. Anyqtamany telefonnan da kórsetýge bolady», - dedi Dáýren Abaev «Habar 24» telearnasynyń tikeleı efırinde.

Sonymen birge, mınıstr karantınniń kúsheıtilgen rejıminde turǵyndardyń aýrýhanaǵa bara alatynyn jetkizdi.

«Dárigerge kórinýi kerek azamattar aýrýhanaǵa bara alady. Bul dáleldi sebep bolyp sanalady», - dedi D. Abaev.

Eske sala ketsek, qazirgi ýaqytta koronavırýs ınfektsııasymen Nur-Sultan qalasy boıynsha 60 adam, Almaty qalasynda – 48 adam, Qaraǵandy qalasynda - 4, Jambyl oblysynda -3 adam, Atyraý oblysy - 3 adam, Shymkent qalasynda - 2 adam, Almaty oblysynda - 1 adam, Aqtóbe oblysynda - 1 adam, Soltústik Qazaqstan oblysynda - 1 adam, Aqmola oblysynda - 1 adam, Pavlodar oblysynda - 1 adam, jalpy 125 naýqas tirkeldi.

Sonymen birge, Dáýren Abaev kúsheıtilgen karantın rejımindegi kóshede júrý talaptaryn túsindirgen edi.

Jumysqa shaqyrǵandy rastaý úshin tikeleı basshynyń nemese kadr bólimi qyzmetkeriniń telefon nómiri bolǵan jón.

Koronavırýstan qaıtys bolǵandardy jerleý týraly bas sanıtarlyq dárigerdiń qaýlysy shyǵady.