Mınıstr jelide avtokólikterdi utysqa tikken blogerlerge qatysty túsinik berdi

ASTANA. KAZINFORM – Týrızm jáne sport mınıstri Erbol Myrzabosynov jaqynda áleýmettik jelilerdi shýlatqan, ıaǵnı birneshe avtokólikti utysqa qoıǵan blogerlerdiń oıynyna qatysty pikir aıtty.

- Jeke tulǵadan ótinish tústi. Qazir tolyq tekseris júrgizilip jatyr, is sotqa jiberildi. Másele sotta sheshiledi. Basqa da blogerlerge qatysty aıtar bolsaq, komıtet aınalysyp jatyr. Tolyq mán-jaıdy jarııalaı almaımyn. Al E.Janabylovqa qatysty is sotqa berildi, - dep qysqa qaıyrdy Erbol Myrzabosynov.

Sondaı-aq mınıstr ondaǵan avtokólikti oıynǵa tikken blogerlerdiń jazasyna qatysty barlyǵy zań aıasynda sheshiletinin málim etti.

Eske sala ketsek, Týrızm jáne sport mınıstrligine qarasty Oıyn bıznesin jáne lotereıany retteıtin arnaıy komıtet jumys isteıdi.

Buǵan deıin habarlaǵanymyzdaı, áleýmettik jelide birneshe avtokólik utysyn jarııalaǵan qazaqstandyq blogerler Erbolat Janabylov pen Elmıra Tólegenovanyń áreketin Týrızm jáne sport mınıstrligi nazaryna aldy. Endi atalǵan isti sot qaraıdy.