Atyraýda jol apatynan bir adam mert bolyp, tórt adam aýrýhanaǵa tústi
ATYRAÝ. KAZINFORM — Atyraý oblysynda Toyota Sienna men Lada Granta avtokólikteri soqtyǵysyp, bir adam kóz jumdy.
Jol-kólik oqıǵasy 18 shilde kúni saǵat 20:50 shamasynda Mahambet aýdanyndaǵy Atyraý–Inder avtojolynyń 56 shaqyrymynda bolǵan.
— Jol-kólik oqıǵasy saldarynan Toyota Sienna avtokóliginiń bir jolaýshysy oqıǵa ornynda qaza tapty. Ártúrli dene jaraqatyn alǵan tórt adam medıtsınalyq mekemege jetkizildi, — dep habarlady polıtsııa departamenti.
Qazir atalǵan derek boıynsha qylmystyq is qozǵaldy. Oqıǵanyń barlyq mán-jaıyn anyqtaýǵa baǵyttalǵan tergeý amaldary júrgizilip jatyr.
Buǵan deıin Qostanaı oblysyndaǵy qaýipti jol ýchaskelerinde kólikten ozýǵa tyıym salynatynyn jazǵan edik.
